شو احسن كريم للتشقير الوجة؟؟

كيف طريقة استعمال الكنت ؟

وضحوا لي ياغوالي

لأني أبغى اشتريه وأسويه في البيت لوحدي ولكن خايفة وموعارفة شلون؟!!!!!!!!1

والله أنا مثلج مب عارفه شو أستخدم الحين
قبل استخدمت جولن وفيم وجاكيولين وكلهم يصفرون الشعر
وبعدين استخدمت بودرة ويلا مع الأكسجين وايد حلو يخلي الشعر أبيض بعدين وقفته
حسيت انه قوي على البشره

شوفي قلبي انا احلى شي نفع معاي اهوا بودرة ويلا (بلوندر )
مع اوكسيدانت ويلا للدرجات الفاتحة مو 6%(20%) لأ هذا ما يفتح وايد
الثاني 30 %
مكتوب عليه للدرجات الفاتحة
اخلطي شوية من البودرة مع الاوكسيدانت و زيدي من البودرة
و علشان ما تتعب بشرتج تقدرين او تدهنين ويهج فازلين ( هذي ما احبها مع انها زينة )بس مالي خلق فازلين على ويهي
الثانية أحلى و اهيا انج تحطين حليب بارد مع البودرة و الأوكسيدانت
لا تقولين ما راح تصبغ راح تصبغ و بنفس الوقت ما راح تحترق بشرتج والحليب راح ينعمها و يرطبها و راح تخلينه وقت اكثر وما راح تنزعجين بعد راح يطلع لون الشعر ابيض مو أصفر
جربيه و رديلي

السلام عليكم

غاليتي

ilorenze

أمس بالليل جربت طريقتك
ولكن للأسف ماعرفت المقادير بالضبط؟؟‍‍

فحاولت أخلطه حسب توقعاتي ( حسب ماقلتي طبعا ) وأضفت له الحليب البارد

وغسلت وجهي بالصابون قبل ربع ساعة من إعداد الخلطة و دهنته بالفازلين طبقة خفيفة ..مو كثير

وخلطت الخلطة ومباشرة حطيتها على وجهي >> مدري صح ولا لازم أخليها شوي؟؟‍

ثم تركتها على وجهي ( الشنب و نصف وجهي الأسفل وأسفل الذقن : من جهة الرقبة ) لمدة ربع ساعة تقريبا
وبعدين حطيت عليها زبادي بارد .. بدون ما أغسل وجهي >> يعني الزبادي على الخلطة الي في وجهي مباشرة ..
وتركته خمس دقايق ثم غسلته بماء بارد

وطبعا حسيت بحرقان أول ماحطيت المشقر على وجهي في نقاط معينة في وجهي مو كله ..


وبعد ماغسلته لقيت النقاط المؤلمة وكأنها جروح صغيرة

ودهنتها بفيوسدين

ولما جاء الصبح اليوم
لقيت التشقير لامس طرف الشعر االنازل من أمام الأذن >> عرفتي ايش قصدي؟؟‍‍


ولقيت أسفل هذه الخصلة النعمة أشقر ولكن مو مرتب
وأيضا كان فيه شعرات من الشنب ماوصلها التشقير وكان لون الشنب أشقر ذهبي .. ومو حلو وأحسه واضح اكثر من أول !!!



فسويت الخلطة اليوم مرة ثانية ولكن كانت اخف سمكا من خلطة أمس

وخليتها على وجهي 10 دقايق واليوم خليتها تغطي كل الوجه من أعلى الخد لأسفل الوجه >> طبعا حواجبي ما أشقرهم ..

وحاولت ماتجي الخلطة على الأماكن المتألمة ..

وغسلتها بماء بارد ومررت ثلجة على وجهي

ثم دهنته بفازلين معجون بعسل أصلي

و الآن مازال الشنب ذهبي !!!

حتى زوجي يقول وجهك منور

من بعيد
لكن من قريب واضح الشعر أكثر من أول !!!

شرايك ياغالية ايش أسوي!!!

أفكر إني أشيل الشنب بالشمع البارد!!

هل تنصحينني بذلك .. >> سبق إني شلته مرتين بشرائح الشمعه البارد من فيت

ومرة من زمان بالخيط...


وأخاف أستمر يكثر ويوقف الطير على شنبي!!!


أنتظر ردك وآسفة على كثرة الكلام لكن حبيت أفهمك كل الي صار ..

بانتظارك .. لازم ألقى حل الليلة

بكرى عندي دوام العصر !!!!!

اختي العزيزة للاسف احس انه في شي غلط
او لشي بغيت اقولج انه لازم تحطين او فازلين او حليب مو الأثنين ؟! عرفتي شلون
ثاني شي
لازم يكون الأكسجين اقل من البودرة بشوية
بعدين لازم تديرين بالج لا تقربين عند شعرج كلش بس الويه عرفتي
ماادري ليش حطيتي زبادي قبل لا تغسلينه ؟!!@@
وما فهمت من شنو النقاط المؤلمة هذي ؟؟
متأكدة انه نوع الاوكسيدانت اللي قتلج عليه
لانه الطريقة انا دايما استخدمها و الحمد لله تظبط معاي :
اجيب بودرة و اوكسيدانت اكثر البودرة شوي _اخلطهم بعدين احط شوية حليب بارد
ادهن ويهي الشنب و الذقن
و بعدين اخليه ربع ساعة اقولج ما احس انه يقرصني كلش و هذي فايدة الحليب عرفتي
وكل ما خليتيه اكثر صار لون الشعر ابيض اكثر
واغسل بماي بارد و لا احط شي بعده و الحمد لله النتيجة حلوة

شوفي اذا كان الشعر وايد وايد
شيليه بالشمع البارد
ما تخافين الشمع ما يكثر الشعر ابدا ابدا وايد زين وبعدين مرة كل 3 شهور
الخيط يسوي حساسية ديري بالج منه (اذا سويتي بالخيط دهني فوسيدين بعد الحف )
بعد الشمع لما يطلع الشعر صيري شقري بنفس الطريقة
و انشالله النتيجة زينة و قوليلي اوكي