شو اسوي بطليقه زوجي ؟؟!!

السلام عليكم ورحمة الله وبركاته


اخباركم يالغاليات.. يارب تكونون بخير وسلامة

انا حاليا بفترة ملكة ونهاية الشهر الجاي زفافي ان شاء الله

يمكن طرحت موضوع من قبل اني تزوجت شخص عنده بنات ونا الي بتحمل تربيتهم ان شاء الله

جهزت نفسي معنويا لتحمل هالامانة ..لأن امهم تزوجت وهاجرت مع زوجها

ولا بينها وبين بناتها اي تواصل من كذا سنه على الرغم من ان عمتهم تتصل فيها عشان تكلم بناتها

وهي ترفض .. ولما رجعت البلاد اتصلت فيها عمه البنات وقالتلها بجيب البنات عندك

هي قالتها اووك جيبيهم وكذا .. ولما اخذوا البنات بيت امهم الشغالة قالت طلعت من ربع ساعه للسوق

اتصلت العمه على ام البنات كيف طلعتي وانا جايبه البنات عندك .. قالت خليهم عند زوجي برجعلهم !!

ابو البنات رفض ورجع البنات ومن بعدها مافي اي تواصل بين الام وبينهم ..

المهم .. مدري ليش كنت حاسة انها بيوم من الايام بتتصل على زوجي .. والله كان عندي احساس

مع اني ماعمري جبت طاريها عند زوجي.. ولا زوجي اصلا تكلم عنها بأي شي ..

اعتبرتها متوفية :)

المهم الحمدلله زوجي مايخبي عني اي شي ولو حاول يتكتم على شي احسسه بالامان

ومن نفسه يتكلم بالي بداخله ..

امس حسيت ان عنده شي يبغي يخبرني ومحتار ..

ماسألته بس حسسته اني حاسه ان عنده كلام ..

فقالي طليقتي اتصلت تسأل عن البنات وتبكي من زوجها !!!

بصراحة انققققققققهرت بس سويت نفسي عادي

قلتله حبيبي انتو بينكم بنات وانا ماعندي مشكله اذا بتتكلم معاها بشغلات بخصوص بناتكم

مع ان مافي شي تتكلمون عنه لانها هي اصلا برا ولا تدري عنهم من كم سنه

لكن مو مشكله بعطيك الضوء الاخضر تتكلم لكن بشرط سبيكر وتعرفها اني انا اسمع كلامها

قالي لا .. مااريد اتواصل معاها بأي شي .. لو تبي عندها اختي تتكلم معاها


اخواتي ..

مدري من امس ماقدرت انام .. مو عشان انها اتصلت تسأل عن بناتها

لا وربي .. عشان انها اتصلت فيه شخصيا وهذي اول مره تتصل تسأل عن بناتها

تسأل عن بناتها وهي رمت آخر وحده باللفه بعدها وتزوجت ولا سألت كيف بناتي :(

طيب لو اتصلت ليش تشتكي من زوجها عند طليقها ؟؟!!

انا زوجي تعلقت فيه وحبيته الحمدلله والله واثقه فيه ثقه كبيرة

اي حرمه تتصل فيه يخبرني او يدخلنا بنفس المكالمه حتى لو مدرسة بناته

مع اني ماطلبت منه هالشي أبدا ..

لكن ماحسبت حساب طليقته بحياتي !!

ما ودي اخرب بيتي بسببها من الغيره وانا بعدني مادخلت عنده

أحب الوحده تغار لكن بعقل مو غيره هبله تخرب حياتها بسببها وتطفش زوجها من غيرتها

بناته هم بناتي والله .. وماراح امنعهم من امهم بالعكس

عطوني خبراتكم كيف اتصرف بكل هدووووووووء وعقلانية لأني انسانة مااحب المشاكل

يعني اذا رجعت تتصل بزوجي وتشتكي من زوجها .. كيف اتصرف ؟؟

أحس انها ماسألت عنه الا بعد ما ملك علي مع ان صار على طلاقهم 5 سنين الا عشان شي في نفسها:(