malaak2 @malaak2

عضوة نشيطة

شو اكثر شي مضايقك من وزنك ....هموم بدينة.... يمنع دخول الرشيقات الموضوع فقط للبدينات

السلام عليكم ورحمة الله وبركاته

كيفكم اخواتي ان شاء الله تمام

اخواتي اليوم قعدت افكر وافكر وافكر ترى من قلة الحركة ما تعرف شتسوي قاعده تفكر

اقول شو الي اخذ مني المتن وتحسرت على روحي

تذكرت كذا شي عورني قلبي عليه

1 _ صعب الحمل بها الوزن وولدي فديته كله يصيح من الملل والوحده :(:(:( والدكاتره يطلبون مني انزل وزني عسب الحمل وانا اكبر بالعمر والمفروض خلاااااااص اوقف

2_ ما البس الي نفسي فيه لازم البس خيمة عشان تستر البلاوي

3_ الصلاة أتعب وأنا أديها وهالشي كثير يألمني لاني اظطر اصلي بسرعه وانا انافخ

4 _ ابين اكبر من سني بكثير والكل عباله اني ام اخواني واخواتي الي الفرق بينا سنوات معدوده

5_ منظري قدام زوجي مقرف خاصة لما نكون برا ويشوف الفراشات يمين ويسار

6_ انا ذوقي يجنن واغلب رشيقات الاهل يطلبون مني اطلع وياهم بطلعات التسوق عشان اختارلهم لبسهم تخيلو القهر الكل يمدحهم بذوقي وانا لبسي كله لوعه ووسيع عشان يغطي البلاوي يعني اطلع المبهدلة لاني ما القى مقاسي وهم يطلعو كشوخات

7_ انا واخوي نتشابه جدا بالملامح وبكل شي واخوي ما شاء الله اجمل اخواني الاولاد وكل الناس يقولو فلانه تشبه فلان بس مو امبين حلاتها من متنها لو تضعف بتطلع احلى اخواتها واخواتها وطبعا حاليا انا الدبابه المتحركة يعني الناس تستغرب والكل يقول متى بتحس وفعلا انا متى بحس على دمي

8 _ ولدي ما اقدر العب وياه وكله اعصب عليه اذا بغى يلعب معاي اصارخ بس اقعد بس هلكتني .... الخ يحليله والله مقطعني قلبي عليه

ما اقدر اكمل اخاف اصيح

الي مضايقني اني ابي اضعف واروح لدكاتره بس عقب اطنش العلاج والرجيم وكل شي ما استمر على شي يومين وترد حليمة لعادتها الشينة

بنات كل وحده تكتبلنا ايش اكثر شي مضايقها بسبب هالوزن العائلي

قعدت اكتب السلبيات بورقة والايجابيات تمنيت القى ايجابية وحده بس للمتن مخلتني ما اسمتر برجيم ما لقيت

حبي للأكل حارمني حياتي

يلزم عليك تسجيل الدخول أولًا لكتابة تعليق.

تسجيل دخول

عبيــــر الــــورد • 14 سنة

مكبرني كثييييييير وأنا صغيرة بالسن .. وماشاء الله تبارك الرحمن فيه حريم أكبر مني بـ 10 سنوات ومتزوجات بعيالهم وفي الشكل اللي يشوفني يقول أكبر منهم .. ماشاء الله تبارك الرحمن الله يهنيهم يارب

السوق طبعا كرهته

فخوذي مسببتلي حالة نفسية مررة شكلها بشع كلها سيلوليت وزواجي بعد 5 شهور

وربي حتى نفسي مسدوووودة عن التجهيز .. رحت محلات لانجري وأشوف أشياء روعة نفسي أتدلع فيها قدام زوجي بس للأسف

و و و و أشياء كثير

ياااااارب في هاليوووم الفضيل وفي آخر سااعة من نهاار الجمعة يااارب يااكريم سااعدنااا ونحفنا وإحنا بصحة وسلاامة ومن غير ترهل وسيلوليت ياااااااحي ياااقيوم في القريب العاااجل ياااارب ياااارب يااااارب وجملنا بعيون أزواجناا وسخرهم لناا واستر عيوبنا عنهم ياااا أرحم الرحميـــن

اللهم صلي وسلم على نبينا محمد وعلى آله وصحبه أجمعين

قصيميه بجده • 14 سنة

انا الحمدلله ماوصل وزني للوعت الكبد يعني عادي البس بس طبعا بحدود ممنوعه من السترتش الي احلم فيه

لاني اكره جسمي يترسم وفيه نتوئات مثل الكريشه وزوايد الظهر

واتضايق اذا طلعت للسوق ولقيت شي عجبني ويكون الي يناسبني منه مقاس لاااااارج

والصلاة مثل ماقلتي اتعب بادائها مع ان وزني مو كبير بس كل مازاد الثقل اثر على ركبتي وتصعب علي السجده

ووجهي يكبررر اصير ام 60 سنه لانه هو بالاصل مليان فمع زيادة اي كيلو يكبر

امم وش بعد وش بعد

والي يضايقني بوزني اني ماعدت اتلابس انا واختي مثل اول الا اذ شي مقاسه كبير عليها انا البسه :(

والمشي واركض يتعبني افحم بسرعه

وعد واغلط من من ضيقات الوزن الزايد بس مانقول الا يارب لك الحمد والشكر على الصحه والعافيه

يارب ينحفنا على خير وسلامه

تقبلي مروري واذا تذكرت شي لي عوده :) < ريضه

نجمه بحر • 14 سنة

:06::06::06::06:

fatima00 • 14 سنة

مو مضايقني شئ غير اني ابي اصير حلو بعين زوجي
تعلمي تحبي نفسك علشان تنحفين

كذا ما ينفع
خليك واثقه من نفسك علشان تجذبين للي حولك
الحين انا عمري ما فكرت اقول جنب زوجي اني متضايقه من وزني

بالعكس كله اقول الحريم يمدحون بجسمي
وحتي بالعروس يخطبوني < طبعنا كله كذب
بس علشان احلو بعينه اكثر

موفقين

a7la hadool • 14 سنة

ياربيييييييييه

مضيقه صدري فخووذي وكرشتي

واه ثم اه ثم اه من زنووودي وربي اتحطم منها .. ودي البس اكم قصير .. مو عاري يعني

الله يعينا بسس

وصراحة اكثر رجيم منحفني كان اللي على حسب فصيلة الدم صراحة استفدت منه كثييييير

ونحفت بخمسه شهور تقريبا 20 كيلو