شو البس حق ليلة الحناء

حياج اختي أم الجواهر

الغاليه أحسن شي تلبسين لبس تقليدي.. وبرايي اللبس الهندي بيطلع وايد حلو.. وهو الدارج الحين.. ييبيها ويا طرحتها.. وافتحي شعرج.. وحطي في مقدمة الشعر اكسسوارات هنديه.. والبسي ذهب.. بيطلع تقليدي ووايد حلو..

وإذا ما عيبج الهندي ممكن تلبسين مغربي او نشله.. بس ما أفضل تلبسين فستان عشان تظهرين غير في العرس..

المكياج يفضل تسوين بروحج شي بسيط.. أو مكياج ناعم على هندي في الصالون بس ما يزودون عشان تبرزين في العرس..

البعض اييب حنايه تحني العروس وقت الحفله.. ويكونون مغطين وييها.. بس انا ما بغطي ويهي.. ابا اشوف الناس :)
ممكن تحنين نفس اليوم بالصبح او قبلها بليله..

أما عن القعده.. أحسن من الكوشه.. حاولي تخلين هاليوم تقليدي.. وهالاشياء سويها بالعرس.. تقدرين تخيطين مفارش خضرا او على لون ملابسج لو ما كانت خضرا وتكون هاي يلستج..

وممكن توزعون أكياس صغيره حنه..او شوية دخون.. عالمعازيم.. يعني اشياء تقليديه.. وصدقيني بيستانسوون خصوصا الحريم :)

هاي تقريباً كل الترتيبات.. وما اوصيج لا تبالغين وحاولي قد ما تقدرين ترضين الله وما تبذرين لأنج مقبله على حياه يديده ومحتاجه التوفيق من الله..

وبالتوفيق ان شالله :)

أنا راي من راي أختي الرحيل

الصراحه اللبس الهندي روعه وممكن إذا تبين تسوين حركه خلي خوااتج كلهم يلبسوون هندي

وبالتوفيق

مشكوريين على الرد

الصراحة افكاركم حلوة

لكن انا في الملجة لبست هندي لانه ما كان عندي وقت اسوي اي شئ لان الموضوع تم بسرعة

اللحين فكرت اسير اسوي مغربي في المرر

اهلين خواتي ........

لبس الحناء هو لبس الغمرة وانا شفته في السوق
عبارة عن بلوزة قصيرة وتنورة ومعاها الطرحة تبعه
وممكن تلبس العروسة الساري.........بس الي محيرني يا بنات
البرقع الي تلبسه العروسة في الغمرة ماهو مع اللبس.......ما ادري كيف
اجيييييييييييييييييييييييييييبة..............
واذا في افكار ثانية حلوة ............................بالله يابنات ردو علي
تحيييييييييييييييييييييييييييييييييييييياتي:26:

اختي ام جواهر ..

مرحبا وعساج طيبه ..أنا راح اعلمج عن ليلة الحنه عندنا في البحرين ..

اللبس يكون فستان أخضر مزركش بذهبي وهيك شغلات .. بس الدارج احين الفستان الهندي مع غطاء الراس تبعه .
شعرج فليه ولا تعملي تسريحه وحطي زي ما قالت الأخوات أكسسوار في مقدمة الرأس من الذهب .
المكياج يفضل بسيط ..
وتجلس حناية تحنيج ...طبعاً

الغرفة نغطي جدرانها بالقماش الأخضر المزركش بالذهبي أو أحمر وذهبي .

ايضا نعمل ما يسمى بسفرة العجم ...وممكن استأجارها أو عملها بنفسك ...
وهي عبارة عن قطعة قماش خضراء مستطيله وطويله تقدرين تزينيها بشرائط ذهبيه أو فضيه توضع مقابل العروس وتوضع امامها مرآة تستند بحيث تتمكن العروس من مشاهدة نفسها وهي جالسه ونوضع بين المرآة والعروس أي امام المرآة قرآن نفتحه وعلى الجانبين الشمعدانات أن اردت ..
وتوضع عليه مختلف الهدايا والحلويات الي راح تقدم ..
ومنها المكسرات في سلال جميله والفواكه

كذلك نقوم برش البيض باللون الذهبي ونصفه في السله ..
الحلويات نلفها بطريقه حلوه مرفقه بعبارة للذكرى للمعازيم ..
كذلك الشبه وهي عن الحسد نلفها ونوزعها على المعازيم ..والحنه كذلك
نوضع الشموع والشمعدانات الكبيره على الجانبين ..
وانتي وذوقج وما تبغي ..

ممكن بدل فرش الفراش الاخضر على الأرض أن تحطيه على طاولة لكن مب رفيعه ..

أو ممكن تعملي طاولة قصيرة على شكل مستطيل وتغطيها بالمرايا وتحطي الشغلات فوقها بتصير جنان ...

والله يوفقج ويبارك لج يا عروسه