ابيض واسود... مشكورة واااايد على النصيحه وصراحه ما قصرتي لان من زمان انا اريد اسوي تنظيف بشرة في البيت
وانا ان شاء الله بجرب الطريقتين وبجوف اي وحده احسن حقي..
الصفحة الأخيرة
اعتقد ان لازم تسوين تنظيف حق البشره بشكل مستمر ومب ضروري يكون في صالون متخصص ممكن تسوينه بنفسج في البيت
اول شي نظفي بشرتج بكريم منظف وخلي الكريم 5 دقايق وبعدين مسحي ويهج بقطنه
ادهني طبقه من الفازلين على خشمج وعرضي ويهج للبخار مده عشر دقايق سواء كان بخار عادي عن طريق ماء مغلي او جهاز بخار
بعد ما تخلصين ابتدي طلعي الروؤس السوداء والشعر وبتلاحظين انها بتطلع بسرعه بسبب الفازلين اللي يخليها تطلع بسرعه وغطي اصابعج ( السبابتين ) بكلينكس عشان ماتدخل بكتيريا وتسبب لج حبوب ولاتضغطين بقوه او تستخدمين اظافرج وبعدين حطي السكراب وو زعيه بحركات دائريه سريعه وغسلي ويهج واخر شي حطي الماسك واتركيه لين ينشف وبعدين غسلي ويهج مره ثانيه واخذي قطنه مبلوله بماي الورد او اي تونك انتي تستخدميته ومسحي فيه ويهج وفي النهايه حطي كريم مرطب
جربي هاذي الطريقه كل اسبوعين وفي الاسابيع الثانيه ممكن تسوين نفس الخطوات من سكراب واقنعه بس بدون ما اتعرضين ويهج للبخار وبعد استخدمي خلال الاسبوعين اللي ما فيهم بخارممكن تستخدمين اللزقه اللي تشيل الرؤؤس السوداء في الخشم ونصيحه مني لاتستخدمين غير ماركه بيوريه لاني جربت لزقات من ماركات مختلفه بس ما جابت نتيجه زينه , وبتلاقينها في اغلب الصيدليات او حتى الجمعيات
وهاذي الصوره اذا اتحبين تشترينها بس شكلها يختلف بشي بسيط عن اللي ينباع عندنا في الخليج
http://www.biore.com/products/pore_perfect_nose.html
اتمنى اتكونين استفدتي من الطريقة
تحياتي :27: