الحمدلله على كل شي انا دايما بستغفر وبحمد الله
بس اللي مو مجربة الحياة مع اهل الزوج ما رح تفهم علي
طاقتي موزعة بين شغلي وابني وزوجي واهل زوجي وطبعا مقصرة في الكل ولا تحكو السبب شغلي لانه دوامي قصير
بعد ما اروح من الشغل في المدرسة يبدأ شغل الدار اللي طبعا ما بيخلص في بيت العيلة
بشتغل خدامة لأهل زوجي ونسوان اخوته وولادهم بتمنى تضل الدار او المطبخ نظيف بس من عاشر المستحيلات
دايما الكل موجود وما في خصوصية بالمرة صرت اكره انام مع زوجي لاني ما باخد راحتي واكتر من واحد بدق على الباب وقتها وبحس الكل بعرف
غرفتي دايما الأطفال فيها واذا حكيتي مع واحد فيهم بزعلو والعاب ابني كسروها ودايما بصحوه لما يكون نايم
وكل هاد ولا اشي لسا انا اللي مزعلني انه ما في تقدير ولا حد عاجبه إشي بسمع الحكي عني والغلط وبضل ساكتة
مو مشكلة التعب بس الواحد يحس انه في تقدير على الأقل
حماتي رافعة ايدها من كل شي وكله على راسي ما بيجي آخر اليوم بكون هلكانة وما ضل طاقة لزوجي وطبعا هو مو معترض لأنه شايف بعينه
نفسي ألبس براحتي وآكل براحتي وأنام براحتي واربي ابني زي ما بدي دايما بتحاسب على كل شي
وطول النهار بضل لابسة المنديل لانه خوانه دايما موجودين واذا ضليت بالغرفة ما بعجبهم
والمشكلة كمان مستغلين زوجي بالفلوس وعلى الروحة والجية حماتي بتاخد منه مع العلم انه بندفع مصروف كل شهر وبنساهم في الكهرباء والمي
وكل هاد ولا شي اللي ايده في المي مش زي اللي ايده في النار
ملاحظة: شغل زوجي ممتاز وراتبه عالي بس ما عرفنا نوفر ولا قرش من ورا طلباتهم وبضلو يعايروه انهم درسوه جامعة
حتى زوجي مو مرتاح ونفسه يطلع قبلي
RORE13
•
Dandosh
•
طيب طالما هيك الحال لا تشتروا شقة
استاجروا لحد ما ربنا يفرجها
ادخلي براتبك جمعية عشان تجمعي دفعة اولى لشقة ..
طالما فلوسكم رايحة على طلباتهم يعني .. اثبتولهم انه عندكم التزامات ..
القصد انكم تتحركوا عشان تحلوا الموضوع لانه الحكي ما رح يفيد
استاجروا لحد ما ربنا يفرجها
ادخلي براتبك جمعية عشان تجمعي دفعة اولى لشقة ..
طالما فلوسكم رايحة على طلباتهم يعني .. اثبتولهم انه عندكم التزامات ..
القصد انكم تتحركوا عشان تحلوا الموضوع لانه الحكي ما رح يفيد
RORE13
•
زوجي مو راضي يستأجر الا بعد ما نخلص اقساط السيارة يعني كمان سنة ونص
والله حاسة روحي رح تطلع من مقاهرتهم وحاسة انه المعلمات بشفقو علي لاني عايشة مع العيلة
نفسي يكون إلي بيت لحالي والله حاسة حالي كبرت 20 سنة من الشغل
ايدي ورجلي خشنين ودايما وجهي مرهق ونحفت كتييير بعد ما تزوجت صرت 46
والله حاسة روحي رح تطلع من مقاهرتهم وحاسة انه المعلمات بشفقو علي لاني عايشة مع العيلة
نفسي يكون إلي بيت لحالي والله حاسة حالي كبرت 20 سنة من الشغل
ايدي ورجلي خشنين ودايما وجهي مرهق ونحفت كتييير بعد ما تزوجت صرت 46
الصفحة الأخيرة
دعونكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد