:39: مرحبا حورية،،

بقولك الصراحه والشيء الي وصلت له بعد شمشمتي لكذا نوع من العطور الهادي والمركز والشين والزين..

اكثر من مرة ذكرت انو مابدى حبي للعطر الا من سنتين تقريبا.. واخص بالشكر عزيزتي شام الي
كانت بوابة حبي للعطور.. وصرت لازم بعض الاحيان اخصص طلعه السوق جولة في العطور..

قبل هالسنتين،، كان اي عطر هادي او على ورود او زهور يعجبني واقول واو هذا ابداع
مثل عطر فيمي.. يعني ماكنت اهتم بالعطور بس كان موجود بدولاب أمي فلما امر اتعطر
واحيانا واغلب الوقت ماتعطر..

لذلك حاسة الشم عندي،، ماتعودت على تعدد وتنوع الروائح.. ومعروف ان عطور الزهور
تعتبر محببه لشريحه كبيرة من الناس ومافيها تجديد..

فأول مابديت بجولاتي للعطور.. وطلعت من مجال عطور الزهور ودخلت بالثقيل.. في عطور كثير
ماتقبلتها وكان خشمي على طول يعطيني الاحساس ان ريحة هالعطور دابر :35:

و كنت استغرب شلون الناس تحب هالعطور..وفي عطر من برادا يوم شميته عطاني ريحة
لحم ذبيحه نيء ملفوف بكيس بلاستيك .. شايفه كيف مخي تصور الرائحه..

بعد سنه تقريبا،، وبعد كثرة جولاتي وتعود خشمي عالروائح.. رجعت اشم نفس العطر اوب لحم
ولقيته جدا رائع.. لكن وقتها مخي ماكان مستعد لتقبل الرائحه.. لان ماسبق شميتها ولا تعودت عليها..

غير كذا سبق قلت لك،، خصوصا حاسة الشم سبحان الله عند الانسان مربوطة بذكريات قديمة
لذلك الانسان اول مايشم عطر مخه يسترجع اقرب ريحه تشبه للعطر سواء زين او شين..

الخلاصه:

انا اقتنعت ان مافي عطر سيء مررررررررة الا اذا على قولة شام اشك انه عطر زي ابو سجاير
لكن غالبية العطور ترجع لمخ الناس وكيف ربطوها بذكرياتهم وهذا ينعكس ان نفس العطر
تلقين له محبين مررة وناس تكرهه مرة..

الناس الي تحبه توصله فوق والناس الي تكرهه تنزله الارض.. لذلك مستوى العطر يعتمد على
تفسير مخنا لهذه الرائحه الي تصله..

عندك عطر سامسارا اول ماشميته حسيت انه زيت دابر.. وبما ني سبق غيرت نظرتي لعطر برادا
بودي ارجع اشم سامسارا يمكن اغير رايي..

ولا ننسى نفسية الانسان وحالته المزاجيه وقت مايشم العطر.. لذلك لا اعتمد كلية على اراء الاخرين
صحيح اكتب اسماء العطور الي قالوا بورقه..

لكن ماشتري عمياني.. اجرب بورق اول وبعدين اعطي حكمي النهائي.. اما الي تشري بدون ماتجرب
تتحمل نتيجة خطأها.. سبق اخطأت وشريت عطر بربري ذا بيت بدون ماشمه وكان مايستاهل
اشريه واعطيته اختي فاتحمل خطأي شحصيا..

شكرا عالموضوع عزيزتي،، ويسعدني تواجدك بملف الاستفسارات..

انا صراحه اشتريت عطر قوتشي البني على مدح الناس وندمت اشد الندم ريحته مزعجة ومنفرة

موضوع يستحق التثبيت

عطر فلورا مااااااااااعجبني يضايقني <<مع انه هديه من اختي

انا مع الشيهانه في بعض اللي قالته من ناحية النفسيه وارتباط العطر بذكرى معينه

وتذكرت قصتي اللي للحين استغربها مع عطر باريزيان - اول مره شميته غصب من البايع كنت رافضه أتقبله لأنه في اعتقادي تابع لعطر (باريس ) القديم اللي اكرهه لسبب خاص . وحتى البايع استغرب لما قلت مو حلو بس بعدين شميته برواق بمحل قزاز وصار عطري المفضل .