شو تاخذين المقلد ولا الاصلي .وليش

اكيد الاصلي...
و دايما هاذي نقطة الخلاف بيني و بين الحريم البعض يقولن " ما عليه انتي اشتري الاصلي وعقي بيزاتج عليه و نحن بنشتري التقليد و بنقهرج لانه نفس الشئ وما حد بقدر يفرق بين مالنا و مالج "....خاصة الشنط و الساعات
انا ارد:
****** اولا من الناحية النفسية ما اقدر اشترى تقليد -جيه ربي خالقني-
****** ثانيا اقدر اكشف التقليد مهما كانت جودته و اتقانه و بالتالي اللي تلبس تقليد و تحب تتفشخر فيه و تقص على العالم مكشوفة مكشوفة
****** ثالثا الاصلي يتم مدة طويله يعني سنين و سنين خاصة الشنط اذا كنتي محافظة عليها وموضتها تراها على كل فترة ترجع
******* رابعا هالايام طالعين اللي يبعون التقليد طلعة في الاسعار...افضل اني اشتري اصلي من ماركة بسيطة و رخيصة و لا اعق فلوسي على تقليد شوي و اخترب

و بس ...و في النهاية الاختلاف في الرأي لا يفسد للود قضية:24:

الاصلي افضل و اكشخ و ارز .. و هالشي يعتمد على الشخص و نفسيته و ثقته و ميزانيته .. و الحمدلله بالنسبه لي الاصلي مثل الاستثمار .. يعني حطيت فلوسي في شي يسوى و يواجه .. و لو الاصلي مو ناجح و لا يكد جان ما قلدوه و تربحوا من وراه ... و الاصلي بجلده و خاماته و موديلاته افضل .. عن نفسي اشتري دوم الاصلي و اهتم فيه و الحمدلله .. هذا رايي .. و بانتظار بقية اراء البنات :)

طبعن اصلي و حنى لو كان غالي ما استخسر شي في عمري !!

و اعرف الشنطه المقلده من اول نظره :34: ((اوني)) تنعرف لان الكواليتي مالها غلط و الالوان ما ادري كيف لاااا و الشكل الهندسي غلط.. حتى الشلات اعرف التقليد من الاصلي !!!!

مثلا مثلا.. بولغري عمره ما نزل سكارف عليه كلمه بولغري بالكامل .. منزل من ها التشكيله بس على مناديل حرير !!! بس ها الفتره اطالعين الكل يلبس شالات بولغري و يقولون اصليات مع انه بولغري عمره ما نزل ها الشكل على شالات شيفون !!! :11: .. الي تشتري ماركات و تروح ها المحلات تعرف تميز بين الاصلي الي عندها و التقليد الي عند غيرها !!

و حتى شنط ديور التقليد الي الكل طايح عليهن و الله و الله و الله انهن ينعرفن.. و بعدين ما ادري كيف الوحده ترضى ان حد يقول انها شاله شي تقليد !!! يعني اشتري وحده اصليه و حافظي عليها في كيسها و بوكسها و صدقيني بتم عندج سنين و لا بتتحسفين على الفلوس الي حطيتيها فيهن

مشكورات اخواتي بس وين الباقيات معقولة ولا وحدة مقلد :24: