شو جهزتي حق البيبي و حقج؟؟؟و في اي شهر بديتي؟

دلوعة كيفي أهليـــــــن ياحلوووووه .. أنـا مـــــع أن هذا أول حمل لي بــس بالفعـل لاااااااااااااااا تكثرين هذي نصحية صديقاتي اللي سبقوني وصارو أمهاااااااات ..

:D وانـا عن نفسي شريت 6 مهادات + 6 اوفر اولاااااات نيو بيبي و6 من 0-3

وتباااانات هم 6 نيو بيبي و6 0-3 ... وبدلتين حلوين وحده حق المستشفى والثانيه لما يجووني الناس في البيت .... بعد شنو ياربي ئي تذكرررررت كبابيس عدد 5 بألوان مختلفه .. و3 بيجامات ... وجوارب للبيبي هم خمس ألوان .... وبــس هذا طبعا للملابس .................. أتمنى اني قدرت افيدج ونسيت اقوولج أنا بديت اجهزززززز للبيبي من الشهررر الســــــابع ...

والله يسهل عليج وعلى الجميـــــــع وابي دعوات الجميع لي ولصديقاتي بالمنتدى يسهل علينا ولادتنا يااارب

هلا .. انا من الحماس بديت اجهز من الرابع
بس صدقيني اريح تجهزين على رواق وشوي شوي قبل لا تثقلين
انا طبعا قالولي نصيحة اني ما اكثر بس ماقدرت اقاوم صراحة اني اشتري هههههههه كل ما اشوف شي يعجبني اجيبه ..
وشريت تقريبا كل الملابس اللي يحتاجها البيبي واللفات وملابس التقديم وخليت اغلبها الوان محايدة مع انهم قالولي بنت بس يعني للاحتياط ..
وشريت سرير البيبي واغراض الحمام والراضاعات وجهاز فيديو وصوت لمتابعة البيبي
هذا اللي شريتهم للحين وان شا الله ابكمل النواقص هالايام علشان ارتاح واتفضى اكمل اغراض النفاس

هلا اختي بالنسبة لي انا شريت ثلاث مهادات اثنين سادة واحد طقم مع بدلتة وقبعتة من بيبي شوب وشريت عشر بدل ثلاث كشخات والباقي بجايم وشريت ست بربتوزات اللي هي الداخلية ثلاث ابيض وثلاث ملون وش بعد واثنين جزمات قطن
بس واذا ناقصني شي تكفون قولولي
وبديت اجهز من بداية السادس بس طبعا على رواق يعني كل مادخلت خذت لي قطعة

حبيباتي......أنا عن نفسي في حملي الأول كنت وايد متلهفه أجهز من الشهر الأول بس الكل قالوا لي تريي تو الناس وبعده بتنزل أشياء وايده .......فانتظرت لين السابع ورحت جهزت بصراحه حسيت بعمري ما خليت بس على جذيه ما كثرت بصراحه هذي النصيحه مهمه لأن البيبي يكبر وتظل في ملابس ما تلحقين تلبسينه خصه (النيو بورن ) لا تكثرين منهن ........
وبصراحه سرت القريه العالميه شي( قماطات مع البدله والرباط) طقم في القريه الكويتيه تجنن أنصح الكل يسير يشتري منهن وتناسب الجنسين..... وترى انتبهي على الشهر اللي بتربين فيه يعني اذا حر فلا تكثرين بدل صوف أو الثقيله عسب جذيه أنا بتريه الحينه لين شهر 4 أو 5 عسب أشتري له...... وسلامتكم

خواتي دلوعه..........شامه على الخدود ........بنت أجاويد.....q8night

أنتن الحينه بأي أشهر عن نفسي آخر الخامس