الحمد لله والصلاة والسلام على رسول الله
أخواتي الحكاية على طول دون مقدمات وبسرعة
كان عندي كثير من التحف التي تحتوي مجسمات مثل السمك وحمام وبجع وغيرها
وماعرفت شو أعمل فيها وعرفت انها حرام
وقمت أخذتها وصرت أكسر فيها
وكان ابني الصغير (8 أعوام) يلعب بألعاب كمبيوتر ولما يكون يلعب بيندمج لحتى ما بينتبه ولا بسمع حدى بحكي معه
ولكنه حبيبي انتبه لصوت التكسير واجاني وهو بطلع في وجهي وكأنه فكر ماما خلص انجنت
وعلى طول سأل ماما ليش هيك بتكسريهم
حكيت لأنهم يا ماما مجسمات وهذه الأشكال حرام
حكى طيب بيعيهم
قلت ما بينفع ما حدى بشتريهم
حكى طيب أعطيهم لحدى
قلت لا حبيبي ما بقدر يا ماما لحتى ما أكسب كمان ذنب وانا بدي أخلص منهم كيف أعطيهم لحدى
عجبته فكرة التكسير وقال طيب أعطيني أكسر معك
حكيت له كمان ما بينفع لأني بكسرهم داخل كيس لحتى ما عبي الدنيا وانت ممكن تجرح يدك
تطلع فيني شوي وراح يكمل لعبه
والمهم من كل هذا انا ارتحت لما كسرتهم عن جد وحسيت أنني تخلصت من هم كان يلاحقني
ولكن ما زلت أفكر هل هذا الحل كان صح
يا ريت تساعدوني برأيكم
وكمان كان عندي طقم حليب عليه رسمة بجعات واعطيته لوحده لحتى تعطيه لناس بتعرفهم محتاجين وما حبيت أرميه لأنه ممكن يستفاد منه وما بعرف اذا بيلحقني حرام
شو رأيكم
كيف ممكن نتخلص من مثل هذه الأشياء
وربي يسعدكم دنيا وآخرة
وهذه لكم
بس العاب الاطفال شو بنعمل فيها