شو رأيكن بموضوع خاص بمواليد الغربة ؟؟؟؟

الحمد لله على السلامه يا نور ,,,
مبارك عليكم شام جعلها الله من الصالحات ورزقك برها ,,,
الاسم رائع جداً,,,

احنا امهات من زمان نسينا الدايبر والرضاعات وما اتخيل نفسى اعملها من جديد ,,, ينفع انشارك معاكم وألا للامهات الجدد فقط؟ ,,,

الله يبارك فيكي يا رب ويقومك بالسلامة إن شاء الله مجبورة الخاطر أنت والبيبي
أما عن الولادة فهي بتيسير رب العالمين،، وين ما كنت،، أهم شي تكون نفسيتك مرتاحة وما تفكري كتير بالموضوع،، وأنا هي أول ولادة إلي بكندا والرعاية هون كتير منيحة وأنا كنت متابعة مع الـ midwife وبجد هي روووعة ونفسيتها حلوة وطول الوقت بتحاول تخفف عنك وتساعدك وتعلمك كيف طريقة التنفس الصحيحة وكان في معها كمان وحدة تانية تخيلي بين كل طلقة وطلقة تشربني عصير ومع اني كتير شغلات قول ما بدي بس كان بالهن طويل عليي،، وبيهتمو بالبيبي كتير وعلى طول بيعطوك البيبي حتى ترضعيه والرضاعة الطبيعية كتير مهمة عندهن،، وبعدين كل شغلة بيعملوها بيسألوك قبل أو بيشرحولك ليش هيك عملو،، وبيهتمو كتير بنفسيتك ووجود زوجك معك وخصوصا لأنك بالغربة لحالك ما عندك أهل وأقارب،، هذا اللي عندي وأي سؤال أنا جاهزة ....

مية أهلا وسهلا بأحلى أم محمد والله ،، والله يسلمك يا رب ويبارك فيكي ويكرمك ويعزك،،،
وطبعا بينفع تشاركي ونص كمان ،، بالعكس أصلاً انتو يلي عندكن الخبرة والأفكار ،، كم أعمار أولادك البركة ؟؟؟؟ الله يخليهن ويسلمهن



الله يبارك فيكي وعقبال قيامك بالسلامة يا رب ،، والله يعينك على البنوتة ،، وعلى فكرة هنن البنات دائما بيحبو يلفتو نظر وما بيحبو حدا غيرهن ياخد الدلال والاهتمام فهدا الشي عادي الله يخليهن لك يا رب ،، أنا تكلمت شوي عن الولادة وإذا في شي حابة تسألي عنه أنا حاضرة وتكرمي

ها يا بنات وين البقية اللي ولدوا وقامو بالسلامة ما بدهن يحكولنا شوي عن البيبي وكيفية التعامل معه :)؟؟

اهلا نور لي رجعة ان شاء الله

بالانتظار غاليتي :)



شوفي عزيزتي أنا كنت تابع عند قابلتين ووحدة منهن بس بتجي وقت الولادة وبتجيب وحدة معها خصوصي مشان تتطمن على البيبي،، وما كان في دكتور وإذا في خياطة بسيطة هنن بيعملوها أما إذا كانت غير هيك بيطلبو الدكتور،، وعلى فكرة أنت اسأليهن على كل شي ،، شكله النظام عندكن غير ،، إن شاء الله تكوني فهمت عليي :26:

كيفكم بنات

انا ولدت مع نور بنفس اليوم ونفس الوقت كمان سبحان الله

يعني ابني عمره شهر و3 اسابيع والحمد لله

وعم رضعه طبيعي والحمد لله بس بعطسه كمان وجبة حلب صناعي تقريبا مرتين او 3 مرات باليوم ....للان ما رحت عند الدكتورة بعد الولادة كنت بدي حط لولب بس دكتورتي قالت ان مانعينها المستشفى من ان تحطه لانه في رايهم حرام ....الله يكون بالعون

بالنسبة لمعتز الله يخليه احيانا بنام بهدوء وسلام واحيانا بعذب وبطلع الروح ...... صحي سمعت عن شغلة حابه اتاكد منكم اذا حدا سمعها

قال العفو منكم يعني ...بول المواليد الصغار غير نجس طالما ما عم يشربوا غير حليب فهل هذا الكلام صحيح؟؟

تاني شي بحب قوله انا عندي الحمد لله ولاد غير معتز بس ما بيظهروا غيرتهم منه فيه يعني ما بيأذوه "متل ما كنت انا اساوي لاختي الاصغر مني " وانما بينفشوا فيني يعني اصغر واحد سنتين ونص عمره تغير كثير صار يبكي كثير ويضربني وطبعا رافض تماما فكرة شيل الحفاظة والروحة على الحمام .... وانا عم حاول كتير اتحمله واستوعبه بس احيانا بيخلص صبري وبعيط عليه او بضربه الله يهديني

طريقتي في ان امنع الغيرة بينهم ان مثلا اعطيه كاندي واقول له هاي من معتز او ان اساوي ان معتز عم يحكي معي وبعدين اقول له قال لي ان بحبك كثير وكمان اذا ابني وقف امامه بقول له شوف كيف عم يطلع فيك وكيف عم يضحك لك لان بحبك

وكمان في مرة قلت له شو رايك ماما مين بتحب اكثر شي ؟ فقال لي البيبي فقلت له لا ... ماما بتحب البيبي بس بتحبك اكثر انت رح تضل حبيب الماما حتى لو صار عندي كتير بيبي ومن هالحكي الي بقوي ثقته بنفسه وبطمنه ان محبته ما راحت ولا قلت بسبب وجود البيبي


شغلة اخيرة بدي قولها معتز اول ولد بحس فيه عن جد يعني يمكن لان اولادي السابقين جبتهم وانا صغيرة ومتزوجة جديد ومتغربة وجبتهم ورا بعض فما فضيت لهم و ماحسيت فيهم كل همي كان كيف اطعميهم وكيف انيمهم وكيف اهتم فيهم ...الان معتز بحسه غير ..............لذلك نصيحتي للامهات الجدد ريحوا بالكم وهدو حالكم ....امضوا بعض الوقت في النظر الى البيبي تأملوه وفكروا كيف هذا المولود الصغير كان في الرحم سبحان الله وكيف انه صغير لا حول له ولا قوة ومو فاهم شي بالدنيا ...تابعوه كيف سبحان الله يوم عن يوم بيكبر وبيتغير ....وكيف حواسه بتقوى يوم عن يوم لاحظوا متى ضحك ومتى بدأ يشوف ومتى بدا يعرفك .... راقبوا كيف بحاول يكاغي ويتكلم ونصيحة اذا في كاميرا لا توقفوا اخذ صور وسجلوا كل هاللحظات الحلوة


معلش حتسة كلامي ملخبط ومومرتب بس حبيت اكتب الي في بالي على السريع