مساء الخير للكل..
بصراحة عندي مشكلة وجد شاغلة بالي المهم انا أدرس بالجامعة
وعمري 20 سنة ومن كنت سنة أولى كانوا وايدين يتقدمون لي بس كنت
على طول أرفض بحكم اني صغيرة ومافكر بالزواج بعدني وحتى أبوي أصلا
ما بوافق لأن عندي اختيين أكبر عني مب مزوجات المهم أحين وحدة من خواتي
تزوجت وبقت وحده بس المشكلة اني وايد أعاني من مضايقات بالجامعة من قبل
الشباب وحتى الدكاترة يعجبون فيني وياخذون رقمي من ربعي بدون علمي بس
والله أطنشهم مادري بديت اخاف على نفسي أحس بياكلوني بنظراتهم عسب جي
صرت افكر بالزواج فعلا لان للحين في من يتقدمون لي بس يرفضهم أبوي لأني
أدرس ويقول مايصير ماني عارفة شلون اوضح لهم فالبيت أني خلاص صرت
راضية بفكرة الزواج خصوصا أبوي لأنه يدلعني وايد آخر العنقود وماظن بوافق
اني اتزوج من الحين واختي الكبيرة بعدها ... انتوا شو رايكم أتم جي وأنسى فكرة
الزواج ؟:(
حساسة مووووت @hsas_moooot
عضوة جديدة
يلزم عليك تسجيل الدخول أولًا لكتابة تعليق.
حبيبتى اشرحي وجهت نظرك لاختك المتزوجه
ومو شرط يصير الزواج الحين ممكن بس خطبه
عشان تمنعين الشباب من مضايقتك
واذا علاقتك بابوك زينه وعادي تقدري تقولين هالموضوع له
خبريه ان سنك الحين مناسب للزواج ولمحي له بالشي
واشتشيرى اختك اللى اكبر منك اذا تقدم لك احد وتزوجتى عادي
الموضوع بالنسبه لها والا يضايقها
حتى ماتجرحينها وماظنتى بترفض هالشي اكيد بتتمنى لك السعاده
ومو شرط يصير الزواج الحين ممكن بس خطبه
عشان تمنعين الشباب من مضايقتك
واذا علاقتك بابوك زينه وعادي تقدري تقولين هالموضوع له
خبريه ان سنك الحين مناسب للزواج ولمحي له بالشي
واشتشيرى اختك اللى اكبر منك اذا تقدم لك احد وتزوجتى عادي
الموضوع بالنسبه لها والا يضايقها
حتى ماتجرحينها وماظنتى بترفض هالشي اكيد بتتمنى لك السعاده
لا يمكنك مشاهدة هذا التعليق لانتهاكه شروط الاستخدام.
طيب بدل هالحوسة كلها وهالحيرة المفروض انك تتغطين وتتحجبين الحجاب الشرعي ..
عشان تصونين نفسك من نظرات الذئاب .
واللي يبي يتزوجك يراك الرؤية الشرعية بالطريقة اللي سنها لنا الشرع .
مو حل انك تتزوجين وانت غير مستعده نفسيا وفكريا .. عشان ترتاحين من اعين الذئاب!!!!!!
واعينهم بتلاحقك حتى بعد الزواج وبيصير موقفك عند زوجك اصعب بحكم الغيرة .
(( ماكان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم )).
الحجاب واجب على كل مسلمة بالغه عاقلة مدركة
فكري في كلامي بتلاقينه هو الحل الصحيح لكل مشاكلك بالجامعة .
الله يوفقك ويكتب لك الخير والصالح .
مبدعات
•
الله يوفقك وييسر لك اللي فيه الخير انتي استخيري وكثري من الاستخارة وصلاة الليل والدعاء وان شاء الله ربي بييسر لك اللي فيه الخير سواء الزواج الان او تأجيله
زي ما قالت شرشر فلفس الله يجزاها خير عليك ولا بالحجاب الشرعي لو كنتي فعلا خايفة على نفسك.....
والزواج هو صيانة لكل من الزوج والزوجة وعليك باختيار الزوج الصالح الذي يصونك ولا يخونك وهو من يخاف الله في السر والعلن وما فيها شي تفاتحين اهلك بالموضوع ......
والزواج هو صيانة لكل من الزوج والزوجة وعليك باختيار الزوج الصالح الذي يصونك ولا يخونك وهو من يخاف الله في السر والعلن وما فيها شي تفاتحين اهلك بالموضوع ......
الصفحة الأخيرة
بس الزواج من حقك ما طلبتي شي خارج الحدود الطبيعيه وشي زين انك تفكرين تصونين نفسك بالزواج
اعتقد لو تكلمين الوالده افضل واهي بدورها توصل الى الاب الكلام
او اخواتك المتزوجات تبينين لهم الامر واهم يكلمون الوالد