شو رايكم باقتراح زوجي العزيز

السلام عليكم
من دون مقدمات ووجع راس لانو اكيد الحوامل مشاكلهم كلها زي بعض
انا حامل وهاد حملي الاول موظفه طبعا وعندي اجازه نفاس عباره عن خمسين يوم فقط...وقررت اني اقعد عالاقل عشرين يوم عن امي عشان ارتاح شوي بعد الولاده وعشان البنت ما عندي خبره بالصغار
المهم كنت متفقه انا وزوجي اني اقعد عن امي بالنفاس ولو شوي راح اليوم صدمني وبقلي الك بس خمس ايام باول النفاس عند بيت امك وبعدها بترجعي بيتنك:(
يا ربي كيف بدي ادبر حالي كيف بدي ادير بالي عالبنت الحمد الله يعني زوجي موصيلي على خدامه بس انا مشكلتي مش عارفه ازا كنت رح اقدر امشي بعد الولاده وادير بالي على بنتي وخايفه من المخاطر وخايفه ما اعرف ادبر حالي هاد غير سهر الليل..مرعوبه وعندي النفاس مع بيبي زي الكابوس..والحمد الله زوجي مش من النوع المتساعد:mad:

شو اعمل ؟ برايكم بقدر ادبر حالي ؟ طيب كيف؟
يا ترى بعد الولاده سواء طبيعي او قيصري بعد كم يوم بقدر امشي عادي وارجع لطبيعتي
الله يقدرني وما اكسر كلامه:arb:
سو نصيحتكم ؟ ارد عليه ولا اضل عند امي عشرين يوم ولا اكثر؟