شو رايكم بزوج يشكي عن زوجته لابوها و هي ماتدري!!

المشكلة زوج بارد جدا جدا جدا و زوجته تعاني من هالمشكلة اف كل مجادلة و مناقشة يتم ساكت شرات الطوفة مايرد لين الزوجة تفقد اعصابها و تهدد و تبكي و تنقهر بعدين يرد بنعم او لا .. اف كل المسائل بارد بس ياكل و يشرب و يصلي و يروح الشغل و يبا حقوقه اخر الليل..
حاولت تفهمه كل ما يطلع فيها عيب اتصلحه و لبت كل طلباته لكن مافي فايدة حاولت بكل الاساليب الهدوء .. الحوار المفتوح .. العصبيه .. الاغراء ... الصبر . بس مافي فايدة

في البداية كانت تفقد اعصابها لين مع مرور الايام و السنين صارت باردة مثله .. وحليلها اف عمرها ما اشتكت عند احد غير يوم فقدت اعصابها و طلبت الطلاق طبعا لانه زواج معدوم من الحب و المودة و التفاهم حاولت تكون صريحة مع نفسها و ما تعيش كذبه اسمها زواج لكن اهلها يقولون بنكلمه و بيتبدل المشكلة بسيطة ترد اتقولهم ماباه ماقدر اعيش معاه بس لا.. يردونها عنده(ولد عمها) و طبعا امثاله ما يتغيرون تتحمل كم سنة بس مافي امل و ترد مرة ثانية عند اهله.... شو تكتشف؟؟؟!!!!!!!!!!!!
ان الريال يشتكي عنها عند ابوها و يقوله عن روتينهم اليومي من اول ما تزوجوا (6 سنين) و الوالد يعطيه الاوامر و هو يطبق تخيلوا اف كل مجادلة يتم ساكت و الزوجه تتكلم و تناقش و هو ساكت بعدين يقول للابوها قالت فلانة و سبت فلانة و كانت معصبة و هددت و مادري شو و هو وحليله ساكت ما يبى يزيد الطين بله(منافق) و الوالد ماخذ فكرة غلط عن بنته و متفشل من الزوج ا لطيب الي صابر على بنته( اب فاشل) يوم اتجيه يردها ويقول لها حمدي ربج على هالريال لا و الزوج ريال متعلم خسارة فيه التعليم و الزوجه متعلمة و جميلة و خلوقة و طيبه مع اهله (العقارب).. و الزوج متمسك فيها بس انتيكه عنده مايبا يطلقها و لا يعامله معامله ازواج حتى اف اكبر حقوقها امقصر اللي هو البيت .. و الله مارزقهم بعيال(اسقاط متكرر) و اهي ماتبي تجيب اولاد منه من كثر ماتكره .. و حياتهم صورة وهو راضي..
المشكله اهو اخ ناجح .. ابن ناجح .. ..اجتماعي .. لكن زوج فاشل 100% الشي الوحيد اللي يسويه يعطيها مصروف و خلاها اتكمل دراستها (شرط الزواج)

فقدت الامل في الطلاق (الاب ضدها) و قررت تعيش لنفسها .. وظيفة ..علاقات اجتماعية .. و تهتم افدينها .. طبعا هو راضي اهم شي يشوفها .. هي كان عندها امل انه يتبدل بس الحين بعد ماعرفت انه يشتكي عند ابوها شرات الحريم الي يشتكون .. فقدت الاحترام و حاقدة عليه لانه شوه صورتها عند ابوها .. وين الام ( طيبه و مطيعة لزوجها المستبد شو تسوي غير تدعي لها)
الحين هذا الزوج المتعلم اللي يصلي و عنده وظيفة مرموقة و ناجح قدام الناس و ماحد يعرف اللي يصير (البيوت اسرار) شو اتسمونه !!!
هذا يسمونه زواج !! مايصير تتطلق شو بيقولون الناس الريال احسن ريال(المجتمع)!!!!
عايشه صراع نفسي ما تدري من ترضي و شو اتسوي لا يزني لا يشرب لا يضرب .. بس بعد زوج فاشل لا حب لا ود لا تفاهم لا احترام ما له دور فعال ..حياة ميته ..الزوجه ادور اف نفسها عيب ماتحصل سألت قريباتها اللي تأمن عليهم اكدولها مافيها عيب العيب من الريال!!
هالفصيله شو يسمونها !! شو الحل معاها!!
افيدونا جزاكم الله الف خير!