شو رايكم بمستشفى الوصل يا بنات الأمارات

ما شاء الله 11 وحده دخلت ولا وحده تعرف عن مستشفى الوصل وينكم يا بنات دبي واللي عايشين في الأمارات يالله انتظر ردكم

للرفع

انا ربيت في مستشفى الوصل وكل اهلي يربون فيه ابصراحه تعاملهم قمه في الذوق ومرتبين ونظاف ونعم يسمحون الزوج او الام يرافقونج لغرفة الولاده والدكاتره ممتازين ابصراحه يعني انا ماشفت منهم شي موزين ولا اهلي اتذكر يوم ربيت هم اللي سبحوني وفي الليل وانا نايمه اييون ايغرون لي الفوطه وحتى يسمحون احد ايرافقج طول فترة اللي متنومه عندهم وايوفرون له الوجبات والمفرش للنوم وكل شي حتى اذا اييبون الوجبه ايقولون لج هاذي للمرافق وذي للمريض لان طبعا تختلف وهذا اللي حاضرني الحين واتمنى اكون افدتج اختي ابي منج دعوه اني اربي طبيعي وتتسهل ولادتي

تسلمين يا الغاليه بنت القيسي
والله حبيبتي راح أدعي لج من كل قلبي انتي الوحيده اللي أفدتيني
جزاك الله كل خير والله يعطيج الصحه والعافيه وييسر أمورج ويسهل عليج الحمل والولادة
وتشوفين البيبي بين ايدينج بخير وعافيه وتفرحون فيه يا رب العالمين

ان شاء الله عندي اول موعد بمستشفى الوصل بعد 4 اسابيع
والمستشفى سمعتها ممتازة
قريبة زوجي ولدت فيها من شهر ... وكانت المعاملة ممتازة ... وسمحوا لامها ترافقها اثناء الولادة