**strawberr وانا نفس الشي باقي لي 9 ايام وبخلص شهري والدكتوره بدها ياني اعمل الترا ساوند مره بالاسبوع وفحصnst مرتين وهو بينيموني وبيربطو في جهازين واحد لنبض وضغط البيبي وواحد للطلق والحمد لله كل شي طبيعي بس قال شو البيبي صغير والماي قليله وحكي فاضي والله انو الدكاتره بهالبلد ما بفهمو شي وخلتني افطر من بعد ما كنت صايمه 10 ايام يعني مشيت مشوار منيح
بس شوبدك تقولي وعلى سلامه ان شاء الله

ام هادي سبحان الله انا عم اطلب من دكتوتي تعمل لي الترا ساوند وهي رافضة قال ما بينعمل غير مرة بكل الحمل وانا عملته بالسعودية لما كنت باول الخامس وكنت حابه اعمله مرة تاني هون لاتاكد ان كل شي تمام ان شاء الله بس دكتورتي ما رضيت ....وهذا الفحص الي عم يعملوه لك انا عملوه لي بالسعودية بس وانا قايمة من السرير ..طقت مية الراس "على قولتنا" يعني نزلت ماء الجنين فاتحولت لغرفة الولادة ......

مشان الصيام معلش خير ان شاء الله ...لك الاجر والثواب

اختي دت كم انا متلك كان ظهري يوجعني كتير كتير بس كنت اتمدد واحيانا ارفع رجلي شوي للاعلى واحط شي تحتها وبرتاح وهلا الحمد لله خف لان عم اتمدد كتير

اختي نور الدرب انتي وادت كم حاولوا لا تشتغلوا كل الشغل مرة وحدة اشتغلوا شوي وريحوا شوي ...حتى بالمطبخ ...انا بتعرفوا شو بساوي كتير بجزأ الشغل على مراحل وكتبت هالشي بموضوع اخبارك مع رمضان شوفوا كيف

نسيت اقول لك بالنسبة للطبخ بجزأه على فترات يعني الصبح مثلا بعمل الحلو بعدين بطلع ارتاح وبعد كام ساعة بدخل بجهز للطبخ يعني اذا في شي بده فرم بفرمه ...بنقع الرز يعني هيك شغلات وبرجع بطلع ارتاح وقبل الاذان بشي ساعتين بدخل اطبخ

وبعد الفطور يادوب بحط الاكل بالمطبخ وبعد كام ساعة بجي بزبط الي بده براد للبراد والي بده جلي على المجلى وبطلع وتاني يوم وانا عم استنى باص الاولاد الصبح بحط الجلي بالجلاية ...وبعد مابروحوا بشي ساعة او اتنين بقوم على البيت

احيانا بتكاسل وبدخل بس وقت الاذان بس بتعب كثير لذلك بعد الفطور بذل شي ساعتين او 3 متمددة ما عم ساوي شي لحتى ارتاح

الله يكون بالعون

بنات انا عندي مشكلة الان لما رحت عند هاي الدكتورة قلت لها ان كنت اروح عند دكتورة بالسعودية وطلبت مني جميع الاوراق من هذيك الدكتورة نرسلها لها بالفاكس ...ولان هلا رمضان كتير صعب ماما تحصلها لتاخذ منها الاوراق المهم قالت الدكتورة خلص رح نعيد لك فحوصات الدم فقلت لها انا اصلا بالسعودية ما عملت اي فحص دم هو الترا ساوند وبس ........فاستغربت كتير وتضايقت شوي وزودت فحوصات الدم الي بدها ياني اعملها وقالت لي باسرع اسرع وقت بتروحي بتعملي فحوصات الدم هذي ..............لحد الان مافي مشكلة ..المشكلة ان احد الفحوص لازم اشرب سائل وبعد شي ساعة ياخذو الدم قال مشان السكر اعتقد

زوجي قال لي حرااااام تفطري يوم في رمضان مشان الفحص..... عادي متل ما ضليتي كل هالايام بدون هالفحص اصبري كمان شي اسبوعين وبأخر روحتك عند الدكتورة"موعدي بعد اسبوعين " وبس يخلص رمضان بنعمله ...... فشوووووووووووو رأيكم؟؟

ايوة فتاة سورية
إذا فيك تأجلي الفحص أجليه أما إذا لا ما فيها شي إذا فطرت أصلا انت حامل عرفت كيف
وبعدين انت من البداية ليش قلت للدكتورة أنه عملت ألترا ساوند بالسعودية هلأ عقدتلك القصة هي ، حاولي تعملك واحد هون عن جد غريب نظامهم أنا هدا اللي ما عجبني هون ما فيك تتحركي على راحتك لسة نحن عنا تعقيد أكتر بكندا ، الله بيعين

خلص قررت ان شاء الله ان اعمل كل الفحوصات الا هذا وزان شاء الله خير

بنات الله يرضى عليكم اذا عندكم اسم هذا الحزام او صورة له تنزلوها لان دورت عليه كتير وما لقيته

طبعا ما رحت لول مارت زوجي للان مو راضي يروحه بس رحت على المول و دورت عليه بسيرز وكولز وجيسيبيني وسالت عنه الكاستمر سيرفز وما احدا عرفه

حتى اذا موجود على النت مو مشكله بشتريه من النت ......وهل في حدا منكم جربه .؟؟

وجزاكم الله خير

صحي معلومة خارجة عن الموضوع في المول في محل اسمه كتشين كولكشين ما بعرف اذا عندكم منه بس كان عامل تخفيضات رهيبة على شغلات المطبخ ....اشتريت قوالب الكاتو السيلكون الدبدوب والفراشة بدولارين والاشكال التانية قصر ووردة بخمسة ....وفي كتير شغلات تانية حلوة بس ما عرفت اشتري منيح لان الاولاد كانوا معي وبهدلوني

الله ييسرلك فتاة سورية
بس هدا الحزام أنا كمان ما بعرفه
بس سمعت أنه إذا كان مشد قال مو منيح لأن بيحبس الغازات والله أعلم
والمحل اللي قلت عنو ما بعرف إذا عنا منو_ يا ريت