مرحبا يا صبايا وهي انا معكم هون حامل بالشهر الخامس .............ساجدة بتصدقي هلا كنت عم فكر فيك فتحت لقيتك كاتبة بالموضوع على فكرة انا كمان ولدت بنتي قيصرية بس انا بولد بالشام ...........مع اني ساكنة بالامارات.........هاليومين نازلة عندي المشيمة والدكتورة قالتلي ريحي حالك يعني ماشفتها كتير الحت عالتسطيح بس المهم الراحة فبرايك اذا حدا عزمنا لعندو عالفطور بهالغربة روح ولا ضل ببيتي خاصة انو هون المشاوير بعيدة ممكن شي ساعة بالسيارة..........بس والله رح طق من الملل وبنتي كمان حرام ما عم نشوف حدا .............انشالله يقوم الجميع بالسلامة مجبورين الخاطر...............نور الدرب وفتاة يلا هانت طولو بالكم ...........وادعولنا ............ساجدة شو عرفت صبي ولا بنت انا لهلا ما بين ............شكلها بنت ..........بس والله مابتفرق معي انا بحب البنات المهم الخلقة التامة والصحة والعافية الي وللبيبي ....................يلا سلام

والله لما بقرا كلامكم بزعل عليكم

ربي يحمل معكم ويقويكم

بس الكم اجر وثواب ما بتتخيلوه ..... ربي يقومكم بالسلامة يا رب .....

اللي ولدانة قيرصية اصحها تحط مشد خطير وبأثر عل ىالجرح

أما المشد بشكل عام للي ولادتها طبيعية .... ما بعرف بس بعتقد الرياضة هي احسن شي وكمان المشروبات الدافئة ..... وعل ىفكرة اللبن قليل الدسم بيعمل تذويب لكل الشحوم المتواجد بالجسم وخصوصا منطقة البطن
وهي مقالة علمية مكتشفة حديثا .....

آية . معلش بلاها سفراتك وروحاتك بلا ما يصير شي لا سمح الله

الله بعينك وبكرة بتروحي وبتجي لحد ما تنبسطي .... بس هلأ ديري بالك وخصوصا انو نازلة عندك المشيمة

أنا قضيت حملي السابق كله مسطحة . وما عم استرجي روح ولا مشوار تخيلي 9 أشهر حبس بالبيت ...

بس كله ولا سلامة البيبي .....

لو ضايق خلقك احملي هالمسبحة سبحي طول ما لك قاعدة ...... بفبذكر الله تظمئن القلوب بإذن الله

ساجدة معلش بعض الحوامل بيرتفع السكر عندهم بالحمل

لأن الحمل بأثر عليه

ديري بالك بس على الاكل الحلو ولا السكريات والنشويات

بس ما تهكلي هم أبدا ولا تتوسوس الله يرضى عليك

توكلي على ربك هو رزقك هالحمل وهو سبحانه رح يعينك على تمامه وبإذن الله بتلدي وانت مجبورة الخاطر يا رب انت وكل البنات يا رب

بامان الله

أم هادي الله يقومك بالسلامة ويهونها عليك يا رب ولا تنسينا من الدعاء

ساجدة أمانة ديري بالك على حالك وهالفترة بدها راحة كتير أنا ضليت أول 4 شهور محبوسة بالبيت وبدون أكل وشرب >> تقولي حبس هههههههههه ،، وتوكلي على ربك كله بيهوووووووون

لك أهليييييييييييين آية وينك ؟؟؟؟ وكيف الصيام معك بهالحمل أنا والله ما عم صوم كل الإيام كتير عم أتعب وعم ينزل وزني كمان الله يعيينا وبعدين معلش هانت لازم كتير تريحي حالك وتصبري وما بعد الضيق إلا الفرج شو بدك تعملي إذا المشيمة نازلة كتير بدها راحة الله يكون معك ويؤجرك ،، وأنا عندي بنت وهلأ معي بنت والله أعلم ،، وما في أحلى من البنات

شام الله يجزيك الخير يا رب ،، يا الله 9 شهور محبوسة يا قلبي والله زعلت كتير عليك،، بس كله بأجره بإذن الله ،، ويسلمو على هالاستفئادة وطول عمرك ما بتقصري ولا تنسينا من دعائك

ومتل ما قالت ساجدة الله يقومنا كلنا بالسلامة مجبورين الخاطر
فتاة سورية ويييييييييينك؟؟؟؟؟؟؟؟؟؟؟؟؟؟؟؟؟؟

بنات انا كتير مشغولة معزومة عند ناس وحايسة بالحلا الي بدي اخذه معي ...لان ماعندي كتير اغراض بالبيت

هلا خلصته وان شاء الله يكون لذيذ بحط لكم صورته بعدين هلا لازم اقوم اشوف المطبخ صار فرجة

راجعة لكم ....سلام

نور الدرب ......... امين يارب ...الله يجزيك الخير على سؤالك...عاد ان شاء الله يطلع الحلا طعمته طيبة وما اتفشل قدام الخلق ..... حطيت صورته بموضوع شو كان فطورك اليوم


اية متل ما قالوا لك البنات ديري بالك على حالك واذا كتير محتارة استخيري والله يختار لك الخير

شام تسلمي على دعواتك والله يعطيك العافية ...بالنسبة للبن المشكلة ان ما بحبه بس اذا عن جد هيك اكتشفوا بغصب حالي عليه وامري لله

ساجدة الله يكون بعونك يارب ...معلش فترة وبتعدي ....انا باول حمل الي ارتفع ضغطي باخر شهر فعملت لي الدكتورة طلق اصطناعي وضليت بالمستشفى على السرير اربع ايام لوحدي ...مو مسموح لي حتى اقوم على الحمام الله يكرمك ...حتى زوجي كان يروح ويجي لان عنده شغل .........كانت والله ايام صعبة بس الحمد لله عدت على خير ...واول ما بتشوفي البيبي لما بيجي بالسلامة ان شاء الله بتنسي كل التعب والهم

الله يرزقنا جميعا باولاد كاملين الخلقة وسليمين ومعافيين ويجعلهم من عباده الصالحين .........قولوا امين

على فكرة انا بس قمت اشتغلت بتجيني تقلصات بتضل ثواني وبعدين بتروح...هذا يا ترى من التعب او الرحم عم ينفتح شوي ...مين عم تحس متلي ؟؟