فواااحة الريف
انا سمعت بها وهى انك تحسين نفسك كأنك متخدرة وما تحسين بالم كثير والله اعلم
يمكن البنات يفيدوك اكثر

الله يجزاك خير يامرام انبسطت احس احد سال عني
انا مضايقتني الامور والسوالف اللي نسمع فيها يمكن تخربين؟ مايعرفون يخيطون

هلا بنات

انا اليوم خبصتها حطني زوجي بالمول وراح الشغل و مشيت بالمول شي ساعتين ورجعت على البيت جلست كام ساعة ورجعت مرة تاني مع زوجي على المول ومشيت شي 4 ساعات لما فطست ورجعت على البيت عم يجيني وجع ظهر شديد افتكرت حالي عم اطلق بس الوجع راح

فواحة الريف انا جربتها والله ما بعرف شو بدي قول لك ما بتمنى جربها مرة تاني ابدا ...يعني ابرة الظهر احسن مليون مرة

كنت لما حطوها لي ...مابعرف كيف اشرح لك اتخدرت وصرت كاني بعالم تاني اصحى شوي اشوف الممرضات والدكتورة والماما وارجع مرة تاني كاني في غيبوبة ...واكثر شي كان يزعجني ان لما اتحرك او اتقلب وتنشال الكمامة احس نفسي بدي ياها واحس تني مو قادرة اتنفس وعلى طول احطها مرة تاني ....ما بعرف الناس بتختلف بس انا ما حبيتها ابدا وهي بتخفف الوجع بس ما كتير يعني بتضلي بتتالمي مو مثل ابرة الظهر ما عاد تحسي بشي

بالنسبة للبيبي ستر انا كمان هيك راي قلت لزوجي اي هي بدها بيبي ستر لها ...بس ما بعرف اذا اضطريت يمكن اجيبها على الاقل تجلس معهم بس علبال ما زوجي يوصلني المستشفى وبعدين يرجع هو ...الله يعين ويسهل

داريين
اهلا وسهلا فيكي معنا..
امتن موعد ولادتك انا كمان بالشهر الثامن مثلك ..

فواحة الريف
ما عمري جربت الكمامه لكن جربت ابرة الظهر وفعلا مريحه لابعد حدود ..
ولا تخافي من الكلام اللي بتسمعيه لانه مثل ما انتي عارفه اللي في امريكا الدكاتره متمرسين
ودقيقين في شغلاتهم يعني توكلي على الله وخديها اذا ما احتملتي الالام..
اما عن نفسي والله محتاره جدا لانه هالمره حكيت ما بدي اخدها مع انها ريحتني والحمدالله
بس حكيت يمكن اول ولاده هي الصعبه شوي ..
ان شاءالله هالمره بيكون عندي جرأه واحتمل الالام ..

الورود الندية
سلامتك ما تشوفين شر والله الحال من بعضه ..

فتاة سورية
هههههههههههههههههههههه والله ضحكت على كلامك لما حكيتي افتكرتيه طلق وبعدين راح
هههههههههههههههههههههههههههه لك عيني لا تستعجلي على رزقك لحد ما ربنا يكتبلك تولدي بتولدي سواء مشيتي او لاء ..
والله يسهل عليكي يارب..

حوامل ما حكتولي كل وحده شو فيها صبي والا صبيه..
عن نفسي ما بعرف والله مثل ما حكتلكم حكيت للدكتوره ما بدي اعرف شو فيه ..
بس متحمسه جدا اولد واعرف
واذا صبي ان شاءالله راح اسميه ريان
واذا صبيه ان شاءالله راح اسميها نواره
وانتوا شو بتفكروا تسموا اطفالكم..؟

هلا ميس

منيح الي ضحكتك بس يا عيني القصة مو اني عم تعب حالي وامشي مشان اولد ...الحكاية طويلة بس رح احكيها علشان خاطرك

هذا يا ستي المول عنا عامل تخفيضات كتير بكتييير محلات ..فرحت الصبح اتفرجت واشتريت اغراض للاولاد ولما جيت حاسب الكاشير الله لا يوفقها ما رضيت تاخذ مني الكريدت كارد لانه على اسم زوجي والكرت مو موقع ولازم زوجي يجي ومعه هويته ....فقلت لها تخلي الاغراض اون هولد وتنتظر شوي على اساس بس يجي زوجي بيحاسب ...قالت طيب... اجا زوجي مستعجل وجوعان وتارك هويته بالسيارة فقال لي خلص خليهم بعدين ورحنا البيت اكلنا وارتحنا شوي وبعدين رجعنا اطلعتا واخذت الكريدت الي باسمي ... الكاشير قالت لي بتشوفيهم عند الكاستمر سيرفز ...رحت لهنيك وبعد انتظار خط طويل قدامي قالوا لي اسفين ما بنحتفظ فيهم كثير ولانك اتاخرتي رجعناهم ...يالله شو اانقهرت ورحت مرة تاني جمعهم ودور وين صاروا ...لاقيت بعضهم وبعضهم لا ...فاضطريت اروح على محل تاني لاجيب الي ما لقيته باول محل ......وهيك من محل لمحل طاروا اربع ساعات من غير ما حس ..... لا وغير هيك نحن لما بنطلع بنتقاسم الاولاد انا وزوجي وكل واحد بروح بطريق "حلوة نتقاسم" المهم رحت من فلاحتي نسيت ان الولد الي راح من زوجي بده بوط ...وما اتذكرت غير بعد ما راح زوجي فاشتريت له واحد على البركة ولما التقينا قيسته ياه طلع صغير فرجعنا لنبدله ....يعني حاله

معلش طولت عليكم بس هذا يلي صار

انا معي صبي ان شاء الله وبدنا نسميه " باسم " باذن الله