السلام عليكم

كيف حالكم

انا والله متعبنى الحمل مازالى يومين على الثامن ورجعلى الترجيع والوحم من جديد مش عارفه السبب
وعندى موعد مع الدكتور ويارب اديرلى حل فى هالمشكله

مبروك اختى فتاة ويتربى فى عزكم وعقبال لكل الحوامل يا رب
دعواتكم يا اخوات

الله يبارك فيكن وعقبال عند الجميع.
انا ولدت اول ايام عيد الاضحى
أجاني الطلق الساعه 2 بالليل كل ست دقايق فدقينا قالونا بس ليصير كل 4 دقايق لازم روح للمستشفى فرحنا الساعه 5 الفجر ففحصوني كان الطلق بارد كل ست دقايق وبس فاتح 1 سم فرجعوني للبيت والله لا يدوقها لحدا رجعت وانا كتير متألمة والطريق طويل لانو بغير بلد شي نص ساعه واول ما رجعت حمي الطلق بشكل رهيب ونزلت ميه الراس والعلامة فرجعنا للمستشفى عالساعة 10 الصبح وقالولي انو فاتح 6 سم وحالة ولادة وسألوني شوبدي مسكنات فطلبت الكمامه وابرة الفخد
وما عطوني غير الكمامه قال لانو نبض الجنين كتير نازل وبعد فترة اخدوا الكمامه وشوفو حالتي بلا كمامة وبلا شي ووجع الله لا يدوقو لحدا بس الله مدني بالقوة واتوكلت على رب العالمين وشوفو الاجانب كيف بطولو بالن لاخر لحظة بعد شي ساعتين من المعاناة قالولي مامشي الحال مافي حل غير الملقط والشرط فقلتلن شو ماكان بس خلصوني وفعلا مشي الحال الحمد لله وكان احتمال يعملو قيصريه عالساعه 3 بعد الظهر ولدت بصبي بجنن وقت شفتو نسيت كل وجعي .
هي قصة ولادتي بصراحة اول شي ندمت اني ما طلبت ابرة الظهر كتير عالم نصحوني فيها بس انا خفت وهلآ مالي ندمانه وقت شفت ابني نسيت كل وجعي
عقبال عند كل البنات ما بتصوروا شعور الامومة شو بيعني الحمد لله الحمد لله
هي قصة ولادتي انشالله ما تكونوا مليتو مني
مع السلامة

الف الحمد لله على السلامة فتاة شامية .....الله يخلي لك ابنك ويتربى بعزك يارب ويجعله من الصالحين

مدري ليش سبحان الله كلياتنا ولدنا بدون مخدر شوالقصة ...انا ونوروانت ...يلا الحمد لله على السلامة اهم شي .....

لا تنسوا تدعوا لفواحة الريف اعتقد ان رح تولد اليوم اذا ما كانت ولدت امبارح

الي عندها اي اخبار عنها يطمنا

سلفية الله يكون بعونك بس ترى الترجيع والوحام مرة تاني اعتقد بسبب الحالةالنفسية...ليكون في شي مضايقك وخلاكي ترجعي للوحام ...ديري بالك على حالك ولا تنهمي والله يكون بعونك ويقومك بالسلامة انتي والكل يارب

ساجدة عزيزتي معلش لا تاخذيني اتاخرت لجاوب

انا ما عرفت كيف اربط بطني وجبت كتير قماش وشراشف وغيره وما فلحت ولا عرفت كيف ..:نت مشتريه الحزام بس بعدما قالت لي الاخت بنت الجزيرة ان ما كتير مفيد وقفت وما عدت حطه صرت البس المشد وفوقه بنطرون جنز ...بس حتى هذا يا حسرة طلع واسع ما شد بطني منيح وهلا لوتشوفيني كاني بالرابع او الخامس ...الحمد لله

اشتريت هاي الي بقولوا لها "step" والديفيدي الخاص فيها وان شاء الله بدي بلش اعمل عليها رياضة لارجع انحف متل اول لان وزني زاد شي 8 او9 كيلو وما فيني حفف اكلي مشان الرضاعة

الحمد الله على السلامه اختي فتاة شاميه وسوريه وسام .......................والف مبروك بس ممكن تكتبون لنا ايش اسم الابره للظهر وابره الفخد والكمامه بالانجليزي ..........لانه ادا سالونا نكون عارفين وش القصه ههههههههههههههههههههه,,,,,,,,

والف شكر مقدما على المساعده..........

الله يسلمكن فتاة وسما ايجيبت وفراوله وعقبال عند الجميع
اسم ابرة الفخد باساتين والكمامة غاز اند اير وافضل لو بتطلبيه عن طريق الفم مو القناع وابرة الظهر والله نسياته اسمها انشالله بدورلك عليه
سلامات