شو رايكم بها المزيل لشعر البطن والظهر والأرداف؟؟؟

اختي رقيقة،، ما انصحك باستخدام اي نوع من انواع الكريمات المزيلة للشعر على اي منطقة، لأني لاحظت ان الشعر لمايطلع بعد استعمال هالكريمات يكون واقف ومنكوش وشكله بالمرة مو طبيعي غير عن الحلاوة اللي تطلع الشعر بعد مدة طويلة وتكون المنطقة ناعمة..
شوفي هالموضوع كتبته الاخت زعفوة جزاها الله خير عن كل انواع مزيلات الشعر:
اليلو
------
هى عباره عن بودره الفخار الابيض الثقيل (الغليظ - مايل لونه للاصفر الفاتح جدا)
تفرك على تلك المناطق ثم مباشره تبدئين بالنتف
(فى البدايه شوى بيعور(يألم) بس بعدين بتعودين-ولما تشوفين النتيجه كل شى يهون)
(على فكره ماله خص بالماء)!!

ليش هو الافضل؟؟
-----------------
لانه ما يسود الجلد بتاتا
ما يرهل الجلد بل بالعكس بيكون الجلد مشدود
بعد نتفه يطلع الشعر ناعم جدا (مب مثل الحلاوه او غيرها تقوى الشعره) بتلاحظين انت ذلك
طبيعى
مستخدم منذ القدم الى الان فى الامارات و سلطنه عمان
-------------------------------------------------------------------------
يسونه العجايز الحين (بعضهن يبيعنه الغرشه 50 درهم او اقل)
فى(عجمان-الشارقه-راس الخيمه..اى تلك المناطق بتحصلينه بسرعه)(فى الامارات)
بس قوليلهم اريد"" اليلو"" حق شيل الشعر لا تقولين
اريد- بودره فخار- لانهم بيضحكون وما بيعرفون شو انت تقولين؟؟ بعدين تتفشلين

==الرجاء====لا تسالونى عند منو ينباع لانى اخذه من الحرمات وما اشتريه====مهم===

اكيد اتعرفين حريم عجائز.. اصدقاء ..او اقارب.........هناك
نصيحه: أسألوا امهاتكن و جداتكم ترى اكيد ايعرفونه !!!!!!!!!!!!!اكيد
على فكره مازالت الحريم و البنات يستخدمنه الى الحين- أقصد ما انقرض
-----------------------------------------------------------------------------------------
أنزين.......
كيف تصنعينه ان لم تجديه؟؟؟؟؟؟؟؟؟؟؟؟؟؟؟؟؟؟؟

فى الامارات
سوق الجمعه- عند درب كلباء
يبيعون فخار-مداخن-.........(مواد كلها من الطين)
المهم
اطلبى" يحله" ماى او "حب" بكسر الحاء
لانه مصنوع من الماده المطلوبه
يجب ان تلاحظين ان يكون لونه ابيض-اف وايت (يميل للاصفر اى مب ابيض جدا) غليظ مب رفيع
لا تاخذين الاحمر الرفيع لانه ما ينفع (مب (ليس) هو المطلوب)

اسالى اللى يبيع بالذات لو حصلتيه.... شويبه عربى (مواطن)
عن " يحله" ماى او "حب" بكسر الحاء المصنوع
من "الجحف الابيض" (المايل للاصفر الفاتح جدا) او" الفخار الابيض مب الاحمر الرفيع"
انتبهى!!!!!!!!!!!!!!!!!!!!
للون بتلحظين ان هناك نوعان من الفخار احمر رفيع و اصفر فاتح غليظ (ابيض -اف وايت) من انواع المعروضات
لا تخذين اللى فيه نقشه او الملون وان كان اصفر فاتح غليظ (ان كان ولا بد اكسرى الملون و فريه (ارميه))
احسن تاخذينه ساده .......وهو المفروض يكون
بيكون لون اليحله اصفر فاتح و غليظه لكن مب حمراء و رفيعه
بعد ما تشترينه كسريه و سحتيه بيستوى مثل البودره بعدين استخدميه لا يحتاج ماى (ماء) و لا شى مباشره
يستخدم لنتف الشعر
--------------------
لمراكز "الفلاش ليت " لازاله الشعر
ما اقدر اعطيكم غير المكان اللى سويت عندهم (عشان ما تدعون علي و تقولون كل منها)
تراها امانه.........
وعلى فكره لا تعتمدون عليه(المركز) فى وايد غيره و اسعار مختلفه......
---------------------
ملاحظه على كل انواع شيل الشعر:
+++++++++++++++++++++

النير-كريم شل الشعر-:: مؤذى جدا جدا خطر يؤدى الى السرطان لانى لاحظت ان البنات الله يهديهن يستعملنه(يستخدم للجسم فقط)
كيماوى

الموس : يقوى الشعره و يأثر ع الطبقه الخارجيه للجلد و ايضا يطلع حبوب اللى تؤدى للبقع و السواد

المقص: بسرعه ينبت الشعر بعده

مكينه شيل الشعر الكهربائيه عن طريق نتف الشعر (اللى تستخدم فى البيت) جيده ليس لها ضرر بس تحر(ترتفع حرارتها) بسرعه
لكن الشعر بعدها ينبت خفيف

الحلاوه(الشيره): طبيعيه مستخدمه فى كل الدول العربيه "مشهوره" سهله التحضير
بس ترهل الجلد بسرعه (لاحظى ذلك) و تسود (لا تستخدمينها ع الوجه!!!مهم جدا)

حف الوجه بالخيط: أخو الموس

الملقط: ينفع للشعيرات الصغار فى الوجه لكنه يسوى حبوب ان لم يعقم الجلد قبل نتف الشعره

التشقير: يطول الشعر و يأثر مع الوقت على الجلد

الليزر: غالى السعر يستخدم للوجه افضل و للجسم بس (ان سويته للجسم ما شى جلسه غيرها لين السنه القادمه)
الى الان ما طلع له اثرجانبى يقتل الشعر من جذوره-لاحظى ان الشعر بعده يخف بدرجه كبيره و لكن لا يختفى للابد
بعد ما تسوينه بتحطين واقى شمس على المنطقه وما تتعرضين فتره للشمس

الضوء المرئى:فلاش ليت ارخص من الليزر يخف الشعر بعده وكما بالليزر لا يختفى للابد و لكن يقل
بعد ما تسوينه بتحطين واقى شمس على المنطقه وما تتعرضين فتره للشمس

--------------------------------هذا والله ولى العلم



اما افضل الطرق لشيل الشعر من الاماكن الحساسة فممكن تسوي بحث في ركن العناية بالبشرة،، في اكثر من موضوع يتكلم عن شيل الشعر في الاماكن الحساسة..
والف مبروك عزيزتي :26:

أختي العزيزة Valley Girl
أشكرج على الرد ومجهودك الطيب فيه ..بارك الله فيج ووفقج وأسعدج وباقي الدعاوي في ظهرالغيب إن شاء الله

بس حبيبتي ..المناطق اللي قلت عنها صعب شلها بالحلاوة ولو حطيت قبلها اليلو باعتقادي ، لأن الألم نفسه..وانا مرة جربت على منطقة في البطن ـاللي يكون فيها مثل الخط الداكن من الشعرـ شوية حلاوة بس شوووو آلمني وعورني وبعدين لاحظت إنه ترك آثار من حبوب حمرة في الجلد مكان إنبات الشعر لمدة طويلة نسبيا ..
فهل في مانع من استخدام ها المزيل لمرة وحدة ـ لليلة العمرـ؟؟

ومشكورة مرة ثانية أختي الغالية، بارك الله فيج
أختج المحبة
رقييييقة:27:

مراحب رقيقه ..

والله عيوني ابدا ماانصحك بالكريم .. ابداااااااا ابدااااااا ..

تعرفين .. اذا استخدمتي الكريم .. بتنافسين زوجك من كثره الشعر الي فيك .. (علما ان لكل جسم طبيعه خاصه فيه)

فافضل شي الحلاوه ومعليش تحملي الالم كلها ليله ومنتهين ..

اما اذا كان يسبب لك حساسه ويطلعلك حبوب ............. فانصحك تشقرين الشعر .. ومااتوقع ان التشقير من مره وحده يكثر الشعر (على فكره انا استخدمت التشقير لبطني وظهري وصدري ايام زواجي لانو جسمي يتحسس بسرعه ..)

-----

اما موضوع المناطق الحساسه .. البنات مااااقصروا فيه .. لكن انا افضل الحلاوة مهمااااااا قالو .. والله يارقيقه ان المكان يصير ناعم ونظيف ويطول على بال ماتشيل المره الجايه .. اما اذا شلتي بالموس بيصير كانه دبابيس (اله الحلاقه افضل من الموس اذا ماتحبين الحلاوة)..

والله يووووووووووفقك حبيبتي حياه سعيده ان شاء الله:26:

مرحبا بالبنات الغاليات بنات عالم حواء انا عندي استفسار بسيط وهو اني مرة كنت ارد على احد المواضيع بالمنتدى وكتبت اني اشيل الشعر اللي بالاماكن الحساسه بالحلاوة فردت علي وحدة من الاخوات وقالتلي ان الله بيعاقبني لانه ما يجوز اشيله بالحلاوة ومن يومها وانا اشيل بالموس بس الشعر صاير مثل الشوك من الخشونه وماني عارفه شو اسوي وثاني شي انا ما اعرف اسوي حلاوة لهذيك المنطقه بروحي يعني لازم حد يشيله وهذا حرام لانها بتطلع على عورتي ساعدوني يا بنات عرسي قريب ومب عارفه الحل هذا غير السواد اللي بالمنطقه بعد.

حبيبتي ميوثه تعلمي تشيلين المنطقه بنفسك...

ووشوفي كيف الحرمه الي تجيك تشيلك وشيلي زيها ..

واذا تبين اعلمك بالخاص انتي آمررررررررررررري:26: