شو رايكم ب هل اقتراح لصحون رمضان

تهقين راح تخفف علينا الحوسه والله انا ودي بهالحركه وربي اني اروح عند ناس عايلتهم كبيره والله انهم مايحطون الا بالبلاستيك ماهمهم احد ظيوف ماظيوف لا اهم ماعليهم نفسهم وهو والله الصح تشوفينهم بعد الفطور جابولك كيس الزباله الله يكرمك واسحبي السفرة باللي بها وعلى طول برى وعلمك وسلامتك

خلاص اختى ام باسم وخاله دانه انا قررت اسوى هل شىء ما فى حل ثانى يمكن حتى الملاعق بلاستك بسنا عذاب ومحاته تدرين ان انا وخدامتى نظل الى تسع باليل واحنا فى المطبخ غير الم الاركب والظهر ..

مدام عندك شغاله خليها تكرف وش شغلتا تعطيها راتب وهي مرتاحه وبعدين القدور تغسلهم قبل الفطور ويبقى الصحون مقدور عليهم انا برمضان اللي فات كنت حامل وعندي طفلين وعندي اخوزوجي وماعندي شغاله ومافكرت اني استخدم بلاستيك احس الاكل بالصحون اطعم بس كنت انظم وقتي شي اغسله قبل الفطور وشي بعد الفطور وباقي المواعني اول باول يعني مثلا السكاكين الملاعق اللي استخدمها في الطبخ اي شي تطيح يدي علي طول غسل وبعد السحور احاول انظف كل شي وماخلي شي بالمجلا عشان اقوم مرتاحه .

والحين عندي شغاله وكرافتها كرف وش فايدتها اجل, بس طبعا اعاملها معامله حلوه عشان تشتغل بذمه

فككرة مريحه انا كل رمضا ن اسوي كذا اشتري صحون بلاستك مريحه نفسي حتى اذاعزمنا كله بلاستك مايبقى علي غير القدوروالملاعق

راحه من جد ............

الله يبلغنا رمضان

اختى مصاصه زرقاء الكريمه احنا ما شاء الله عايله كبيره الله يزيد ويبارك ويحفظهم امين ... وعندنا اولاد يعنى من نوع الى ياكلون ويرمون غير اوانى الكستر والجلى الى بعد الفطور شىء ما يتصوره العقل .. والخدامه صج تشتغل وما تقصر مسيكينه وانا معاها بس انا من النوع الى قلبى ضعيف ما ارضى اشوفها تكرف لحالها فى المطبخ لازم احط يديتى معاها عشان كذا مبين فى عينها صار لها عندى تسع سنوات ما شا الله ربى لايغير علينا اذكرو الله .. وهى مو راضيه تهدنى لانها حاسه بالراحه وانا مو من النوع العصبى الحمدلله انعاملها كانها وحده من بناتنا الى تبى اجيبه لها ///// اختى لا تنسى ( وان وليتم فارحموا )