السلام عليكم
اشحالكم خواتي
خواتي بغيت استشيركن بموضوع
انا وزوجي اختلفنا في بناء البيت
هو يبا طابقين
وانا ابغي بيت ارضي على قد عائلتنا الصغيرة
حجتي اني ابغي بيت صغير ملموم سهل تنظيفه ويغنيني عن الحاجه للخدامة
وحجة زوجي اننا نقدر نبني بزمننا
يمكن بزمن عيالنا ما بيقدرون يبنون فيقول نبني بيت طابقين وكبير عشان المستقبل وغير هذا الارضي بياخذ مساحة كبيرة من الارض بينما الطابقين استغلال لمساحة الارض بشكل جيد
وانا مصرة اني ما ابغي طابقين ونتم طالعين نازلين من الدرج وغير هذا عيالي صغار واصابات الدرج خطيرة وممكن تكون مميته لا قدر الله
اخر شي اقترح علي بيت طابقين ونسكن بالطابق الارضي والطابق العلوي يكون مجالس وغرفة ضيوف ومخزن
فجي بيكون الطابق العلوي قليل استخدامه فبنتجنب كثرة الطلوع فوق ونتجنب الاصابات
والطابق الارضي يكون للعائلة بس
لكن بعدني مب مقتنعة بالفكرة احسها غريبة شوي
فقلت استشيركن
اذا في اي سلبيات للفكرة قولولي قبل لا أوافق على فكرته:(

مرت ريلي @mrt_ryly
عضوة
يلزم عليك تسجيل الدخول أولًا لكتابة تعليق.

فكرة زوجك حلوة مررة... أكيد المهندس بيلقي لمدخل الضيوف تصريفة..
والدورين أحسن عشان تستغلين مساحة الأرض
والدورين أحسن عشان تستغلين مساحة الأرض

هي كفكرة حلوة وعمليه...
بس التطبيق احس صعب ...
بس انتم ممكن تسوونه طابق واحد في البدايه...وبعدين اذا كثرت العائلة وحسيتي انك محتاجة تتوسعين ممكن تبنون الدور الثاني..
او ممكن من الحين تبنونه دورين بحيث يكون الدور الثاني مفصول تما وتاجرونه..واذا احتجتوه تستفيدون منه..
بس التطبيق احس صعب ...
بس انتم ممكن تسوونه طابق واحد في البدايه...وبعدين اذا كثرت العائلة وحسيتي انك محتاجة تتوسعين ممكن تبنون الدور الثاني..
او ممكن من الحين تبنونه دورين بحيث يكون الدور الثاني مفصول تما وتاجرونه..واذا احتجتوه تستفيدون منه..


الغلا99
•
زوجك معاه حق وترى يخطط اكثر للمستقبل وترى البناي صعب علينا الحين شلون بيكون للاجيال الجايّه
توكلي على الله واختاروا التصميم الزين وترى حلو انه يكون المجالس فوق البيت بس خلّو المدخل يكون من خارج وداخل البيت
انا شفت بيت كذا الغرف والصالات وكل شي تحت والمجالس بسس فوق كان اكثر من راااااائع لانه كان البحر وجلسه الرجال برا على بلكونه والديكورات كانت تراثيه ما شاء الله تبارك الله
عجبني التصميم والديكورات والله يهنيهم ويهنيكم
توكلي على الله واختاروا التصميم الزين وترى حلو انه يكون المجالس فوق البيت بس خلّو المدخل يكون من خارج وداخل البيت
انا شفت بيت كذا الغرف والصالات وكل شي تحت والمجالس بسس فوق كان اكثر من راااااائع لانه كان البحر وجلسه الرجال برا على بلكونه والديكورات كانت تراثيه ما شاء الله تبارك الله
عجبني التصميم والديكورات والله يهنيهم ويهنيكم
الصفحة الأخيرة
صراحة انا ما اشوفها فكرة كويسه ان المجالس بتكون فوق و غرف النوم تحت لان مو من العاده ان الضيوف يدخلون لداخل البيت اكثر من الدور الارضي
بالنسبة للحوادث هذه اول شي اشياء مقدره ثاني شي يا ختي انا سكنت في بريطانيا و كان البيت دورين و طفلي كان صغير بس حل المشكلة كان سهل هو ان في محلات الاطفال حواجز تنحط مثل الابواب الاطفال ما يقدرو يفتحونها و المفروض انها تتركب على اي بيت فيه اطفال
من ناحية دور او دورين انا احبذ فكرة الدورين لانه اسهل للفصل و فيه استغلال للمساحة اكثر من الدور الارضي
عالعموم انت اتوكلي على الله و ما يصير الا الخير
تحياتي لك