شو رايكم في فترة الأربعين ..؟؟ هل هذا معقول؟؟

السلام عليكم ورحمة الله وبركااته ...
موضوعي شوي مختلف واحس ان في قنابل بتنفجر في وجهي لمل لعرضه .. لكن أنا اتقبل الرأي الاخر وأحب أسمع من الطرف الآخر ..
الموضوع هو كالتالي: ..
كشعب عربي ومنطقة خليجية بالتحديد كثير مانمشي خلف العادات والتقاليد " الي مالنا غنا عنها" لكن في موضوع في بالي من ايام ما ولدت .. الا وهو .. ليش في فترة الأربعين يلزمون الزوج ان يبتعد عن حرمته ؟؟ ليش ماينام عندها؟؟ ليش ماياخذ راحته معاها ؟؟؟
الصراحة انا اشوف ان هذا الشي موووول ماله داعي وان الزوج لازم يكون مع زوجته يساندها ويحس فيها ويتم بقربها ... :eek: ..
يعني حتى في الاسلام حلال ان الواحد يستمتع بزوجته وهي حائض ولا نفساء ,," طبعا بدون جماع" لكن يقدر ياخذ راحته منها بطرق كثيرة .. ونفس الوقت هذا يريح اعصاب الحرمة شوي وتظل تحس انها وحدة مرغووب فيها ..
شو المانع من المداعبات الزوجية طول ما ان مافي جماع "رسمي" بن الزوجين ..
صحيح ان فترة الأربعين فرصة ان الحرمة تهتم بنفسها .. بس شو الفايدة داام 40 يوم بيكون في انقطاع بينج وبين زوجج؟؟
أنا الصراحة زوجي بات عندي كم ليلة لما كنت في الأربعين .. "بس هو كان متردد ومايدري اذا هالشي صح ولا لا ؟؟ ويقول الناس كلها اتم بعيد عن حريمهم في هالفترة "
وهو اصلا كان مسوي عملية في نفس يوم ولادتي .. وبعد محتاج الرعاية ..
الي ابا اقوله .. ان هالفكرة لازم تتغير وان الزوج لازم يظل مع زوجته في هالفترة بالذات .. يعني انا مريت في هالمرحلة و والله ان كنت اموووت ابي اجلس مع زوجي واسولف معاه .. لاني وايد كنت اضايق "طبيعي ان الوحدة نفسيتها تتقلب" .. فشو المانع من وجود الزوج قربج " صحيح ان تكون في زيارات بس تكوون خااااااطفة " .... و الوالدة تقولنا اذا بيبيت عندج .. انتي في غرفة وهو في غرفة !!!!!!!
شو هذا؟؟؟؟

طيب شو ذنب الرال يصبر 40 يوم دون مايلمس زوجته او حتى يداعبهاا؟؟ مو من حقه الشرعي هذا ؟؟ ولا يروح وينخبل بره ؟؟؟

اريد اشوف آرائكم لو تكرمتو وأتمنى ان الفكرة وصلتكم .... :)