شو رايكم في هالقصه؟؟

بنات هاي قصه واقعيه وصدق استوت هنيه عندنا في البلاد

في وحده متزوجه كانت حياتها الزوجيه مستقره.... وقفت ويا زوجها في كل صغيره وكبيره في حياتها لين ماصار رجل أعمال وارتقى في وظيفته وحالته الماديه تحسنت وايد وقدر يشتريلهم بيت يديد غير البيت الخرابه اللي كانوا سكانينه

بعد ما انتقلوا لبيتهم اليديد وأثثوه.... ياها ريلها وقالها إن قرر يتزوج عليها.... طبعا هي انصدمت لأنها مالاحظت على ريلها أي تغيير في معاملته لها بالعكس كان يعاملها أحسن معامله.... وهاي اللي بغى يتزوجها بنت صغيره وحلوه وياه في نفس الدوام... وهو حبها من أول نظره (شفتوا الرياييل كيف)

طبعا لأنها حرمه عاقله ما شاء الله عليها... قالت خلني ارضى ولا اخرب بيتي بإيدي... وراح ريلها وخطب البنت... وصار لاهي عن زوجته وعياله باليديده... ولأن هاذيج بنيه صغيره ودلوعه كانت طلباتها زايده ومبالغ فيها... وهو ماكان يقدر يرفض لها طلب عشان مايخسرها.... وكانت النتيجه ان قام يقصر على بيته عشان يرضي خطيبته

وهم يجهزون حق العرس ودى خطيبته بيته القديم عشان تشوفه لانه كان ناوي يسكنها هناك بعد مايعدل في البيت.... والبيت كان مهجور من مده طويله... واول مافتحوا البيت شافوا البيت كله وصخ وفيرااااااااان الله يكرمكم... طبعا العروس اليديده رفضت رفض نهائي إنها تسكن في البيت القديم.... وقالتله يا بيت يديد ولا بتتركه

وهو كان صارف كل اللي وراه واللي دونه عليها بس عشان يرضيها وماعنده عشان يشتري بيت يديد.... راح حق زوجته وقالها على الموضوع وطلب منها تطلع من البيت اليديد وترد حق بيتهم القديم عشان يسكن خطيبته فيه... الزوجه اعترضت وصاحت... بس ريلها ماسوالها سالفه

قالتله امهلي اسبوع عشان اطلع اغراضي واغراض عيالي... بس هي كانت ناويه ترجع لبيتها اليديد لأن هالبيت من حقها هي وعيالها... وطمنت عيالها وقالتلهم إنهم بيرجعون وطلعتهم من البيت مؤقته

راحت اشترت سمج (سمك هههههههه) وااااااااااااااااااااااااايد مب وطبخته وبطلت الحدايد مال الستاره ودخلت السمج فيه وسكرته عدل.... وطلعت من البيت وهي متأكده إنها بترجع... ويت العروس اليديده عشان تسكن في البيت اليديد واول مادخلت من عند الباب اغمى عليها من الريحه

الريال ماخلى شي في البيت وماغيره.... الحمامات الله يعزكم والأثاث مع انه كان يديد والفرش.... وياب عمال الصيانه عشان يعرفون الريحه من وين تطلع.... ومحد قدر يعرف هالريحه وين مصدرها

آخر شي اصرت العروس اليديده انها تسكن في البيت القديم لأنها مب قادره تستحمل تعيش في هالبيت.... وجيه ردت الزوجه الاولى لبيتها... وطلعت السمج ونضفت المكان عدل... واختفت الريحه من البيت... ولين الحين ريلها ماعرف شو السالفه... وكانت دايما تقوله هالله من الله لأنك ظلمتني انا وعيالك....

وجيه ضمنت بيتها اليديد.... وأثاث يديد بعد.... وصارت كل ماتحمل اليديده هي تحمل بعد.... والزوج مب مخلص من طلباتهم هم الثنتين.... طلعوا عينه

بس والله يستاهل... وهي ما شاء الله عليها ذكيه

شو رايكم فيها؟؟؟؟