ما شاء الله على اللي ما خلصوا مهرهم كله !!!...

بقول لكم عن خالتي .. هي توها متزوجة .. وما بقى من مهرها ولا شي .. والمشكلة ان مهرها خلص وكان باقي لها أساسيات وأشياء كثيرة مهمة ما شرتها .... وجدي المسكين هو الضحية اللي عطاها مبلغ وقدره ؟؟؟!! ..

في زواجي خلص المهر قبل ماأطلع الفستان وادفع مقدم الكوافيرا والتصوير وماقصر الوالد دفع كل النواقص مع ان مهري كان 70 الف بس راح على أشياء مالها داعي .

الهوليّــــه
لولو لشقيه

شكرا على المشاركة
:26:

في الإمارات عندنا غير خصوصاً إحنا البدو

بالنسبة لي

في عقد الزواج مكتوب 10 آلاف درهم مهر و 30 مؤخر

وبعدين عطاني 100 ألف درهم لتجهيز زهبتي من غير الذهب (الذهب من عنده بس الحمد لله كل ذهبي كان هدايا من أهل زوحي ومعارفة يعني ما كلفه شي)..وطبعاً كلها خلصت وما بقى منها شي

والصباحية (عباره عن مهر العروس يعطونها إياه صباح ليلة الدخلة) كانت 50 ألف درهم...

يعني كان مهري 60 ألف درهم...

تعرفون شو سويت به...أول شي

عطيت أبوي 10 ألاف درهم

وأمي 20 ألف درهم

وهذا من خاطري لوالديني الله يطول في عمارهم إن شاء الله

وصفالي 30 ألف..وفتحت لي حساب توفير في البنك

كنت ناوية أخليهم في البنك وأحج بهم...بس عطيت أمي منهم 8 آلاف لأنها كانت محتاجه فلوس و 5 آلاف رديت بهم دين كان على زوجي..وكنت كل ما أحتاج فلوس واستحي أطلب من زوجي اسحب منهم..وألحين على ما أعتقد بقى لي منهم حدود الـ 10 آلاف والله أعلم...مع العلم إن زوجي مب راضي على صرفي لمهري بهذي الطريقة بس شو أسوي ساعات أحتاج وأستحي أكلف عليه...:27:

ما شاء الله السعوديات والاماراتيات مهوكم وايد لكن بالبحرين غير
كلش غير

يعني المهر المعتاد 1000 دينار بس
ومؤخر ما في

وفي 500 دينار الطايح يعني اللي تجهز فية الى الزواج

والحمدلله مو مهم المهر المهم الوحدة تعيش سعيدة ومرتاحة