شو سويت بعلاقة الملابس الكبيرة (( الشماعة ))

السلام عليكم ورحمة الله

طبعا كلنا نعرف الشماعة الكبيرة اللي نعلق عليها الملابس

انا كانت عندي وحدة وردية من زمان
وفي النص اختربت يعني الجزء العلوي بصوب والسفلي بصوب
ويتني هذي الفكرة
بما ان كانت حجرتي لونها اصفر واخضر

جلدت العلاقة بلون اخضر
وقصيت مثلثات صفرة ولصقتها
ويبت ازهار دوار الشمس ودخلتها في الشماعة بها الطريقة



وطبعا غيرت لون حجرتي حاليا
اخذت جلاد مال تغليف الهدايا
فيه ورد جوري لصقته على العلاقة وعقبه جلاد شفاف
على اساس ماينشق الجلاد
ويبت غصن شجرة فيه فروع وايدة
ودخلته في العلاقة ورشيته بلون ذهبي


وبعدين يبت ازهار مجففة
ولصقتها على الغصن بها الطريقة



اتمنى العمل يعجبكم
والسموحة