الله يلعنهم ...ولا حول ولا قوة الا بالله العلي العظيم..الله لا يجعلنا بحاجتهم ان شاء الله

الله يكافينا الشر


بس فعلا مرات لنا لهم حاجه غصب عنا


يا ربي كل ما اشوف شئ عن الخدامات اتعب نفسيا

لانى انا عندي خدامات واخلى اطفالهم معي بس اختى تكون بالبيت معاهم


هذا اللي مطمن قلبي

ولا كنت استخفيت والله من الخوووووووووف عليهم

تصدقين يااحلى اماراتية أنا شفت أخبار الإمارات أمس و شفت الخدامة كيف تعامل اليهال ... حسبي الله عليها .... بس عشان تبي تشوف التلفزيون حضرتها إتطق البنيه ... وهم راقبوا معاملة العائلة للخدامتين و شافوا إنه العائلة تعاملوهم أحسن معاملة ... فهل جزاء الإحسان إنهم يطقون اليهال ... والله حرام هذوله أحباب الله .... بصراحة لما شفت امبارحة تميت اطالع ولدي .... لإني احطه في الحضانة والله العالم كيف يعاملونه ... بصراحة خفت على ولدي .... الله يحفظ عيالنا من كل مكروة .... ( إلين الحين صورت ضرب الخدامة للبنت ما تفارق بالي ) ...

أنا اقترح اييبون هاي الاثيوبية ويعلقونها من ريلها مثل ما كانت شالة البنت بس عاد يعلقونها على أكبر مبنى في الامارات حتى تكون عبرة أو يحطونها في ميدان عام ويربطونها والناس تضربها بالنعل مثل ما كانت تضرب البنات.

غرشوب رعبوب
انا مارمت ارقد من اللي شفته... لدرجة إني حلمت بأختي الصغيره واحد هندي يضربها... نشيت من الرقاد شوي وبصيح... كيف لو كان واحد من عيالي!!!!

سارااا && أمون الحنووون
مشكورات على المرور

شابورة
صدقني أحسن شي سويته وعمرج مابتحسين بندم
الله يخليج لعيالج ويخليج لهم إن شاء الله

rawnd
ترا هاي المشكله إن نحن نسوي هالشي غصبا علينا ونكون محتاجين لهم بالذات اللي يدرسون... لأن الشغل ممكن تقدمين استقالتج... بس الدراسه بتتأخرين فيها إذا كل مره بتوقفين ومادري
الله المستعان بس

مخلصه لزوجها
الحمدلله إن أختج عندهم وإن شاء الله ربي يحفظهم

بنت كيوت
آمين إن شاء الله

beautylady
الله يحفظلج ولدج إن شاء الله
بس انا احس إن الحضانه أأمن على اليهال من الخدم داخل البيت

الآنسة الظريفة
جان زين والله وأنا أول وحده بضربها... لا وانتي الصادقه بذبحها... الله لا يوفقها لا دنيا ولا آخره