شام :

منى يا منى بتذكريني بمسلسل طلع من فترة فيه واحد بوقف تحت الشباك وبضل بنادي للبنت : منى يا منى المهم يا ستي الكنافة سهلة كتير جيبي الكنافة الشلل ونتفيها قد ما بتقدري وحطيهم بالطنجرة واشعلي النار على الهادي وبعدين جيبي سمنة بلدي او زبدة أو سمنة البقرة الحلوب طيبة كتير هالسمنة حطي منيح سمنة وبعدين بلشي قلبي فيهم ودخليهم ببعض وبعد ما تدوب السمنة حطي سكر يعني قدري تقدير بس وحطي كاسة حليب معها وتبليهم ببعض وحركيهم لحتى يبلشوا يصيروا عجينة متماسكة ولو خشنة شوي بس عجينة بتاخد شي نص ساعة تقريبا على النار وبعدين بتدوقي حلاوتها بتشوفي بدها سكر أو لا وإذا جوزك بحب ماء الزهر حطي شوية ربع معلقة صغيرة مو اكتر المهم خلصت واستوت مديها بصحن بسمك نص سم وبعدين جيبي القشطة اللي بتحبيها ومديهاعلى الوش القشطة اللي بحبها انا : هافي ويبينغ كريم علبة وسط بحطها على النار مع معلقتين نشا كبار مدوبين بحليب بارد وحركي على نار وسط وبس تسمك وتصير سميكة قيميهم عن النار واخلطي معهم شي نص علبة ريكوتا تشير هي بتخلي الحليب ما يجلتن ويصير مو ظريف ... وإذا ما بتحبي الريكوتا حطي علبة قشطة بوك بتطلع ظريفة بس الريكوتا اطيب واظرف وبس لتكون باردة القشطة حطيها على الكنافة وزينيها بالفستق أو بالمكسرات أو بدونهم وصحة وهنا

منى يا منى بتذكريني بمسلسل طلع من فترة فيه واحد بوقف تحت الشباك وبضل بنادي للبنت : منى يا...