كيف الحال و الاحوال //
مثل ما انتو شايفين في العنواااان ،، امس الخميس سوينا حفلة بسيطة لاننا انتهينا من الدراسة و البنات طلبوا مني اسويلهم شي من يدي لاني عرضت عليهم قبل في البريزينتيشن فطايري و حلوياتي
المهم،، دخلت الفطاير تهريب لان ممنوووع اصلا:p:42: هع هع
اول ما حطيتها ع الطاولة البنات طلبو اني اكتب لهم المقادير،، و هم لسى ما ذاقووه ،، قالو الشكل يكفي..
و الابلة ما صدقت اني انا مسويتها ،، قالت بيي بيتكم تعليميني و ابتسمت قالتلي ايم نوت جوكينج >> يعني الحرمة من صدقها حليلها..:eek: و جلست تمدح ساااااعة و انا صرت كذا:35:
و الله احرجوني البنات:27: ،، و فرحت صراحة ان اول شي كلو الفطاير و خلصوو الصحن:42:
سويتها بالزعتر و كيري و الجبن الحامض
:cook:
المقادير :
1 بيضة
2 ملعقة طعام زبادي
حبة 1 جبن (كيري او المثلثات)..
2 ملعقة طعام خميرة
نص ملعقة طعام بيكنج باودر
4 ملاعق طعام سكر
1ملعقة طعام ملح>> يمكن الا شوي تقللين يعني
كاسين ماي
6 ملاعق طعام حليب بودر
2 فنجال زيت
و الطحين على حسب>> اخر شي
الطريقة :
يخلط في الخلاط الكهربائي(( مافيه مده معينة بين كل خطوة))دقيقة يكفي حتى
1- بيض+سكر
2-زبادي+جبن
3-سكر+ملح+ماي+حليب بودر+خميرة+بيكنج باودر+زيت
4- اخر شي الطحين و تضيفين لحد ما تشوفين العجينة متماسكة و ما تكون لا قوووية مرة و لاا طرية مرة و يمكن اضافة الزيت في هذي المرحلة من غير في الخطوة 3
تتركينها لحد ما تتخمر ،،
انا اغطيها بالسمااط و فوقه فوطة صغيرة و ادخلها في الفرن (بدون نار_لا تفتحين الفرن_ )عشان اضمن سرعة تخمرها ،، و مثل ما انتو عارفين الجو بارد هالايام و رح يتأخر و التخمير يحتاج جو حار..
تتركينها لين ما تتخمر ،،ما فيه مدة معينة ،، حسب الجو اللي انتي فيه:time:
و تكون العجينة جااااااااهزة :23:
و كل وحدة و طريقتها في اللف و الحشووو
هذا انا اللي اعتمدته
ارش السطح شوية طحين و اخذ كمية من العجين مو كله و افرده
اترككم مع الصور
يتبع
ننتظر الصور