:):):)

انا بكري الله يهديه يارب
كنت وقتها رايحه لمستوصف اسوي اشعه صوتيه لان ولادتي تأخرت عن الوقت الي مفروض
يعني على حساب الدكتوره..
سوت لي الدكتوره سونار وقالت لي ان المشيمه خلاص منتهيه ولازم اروح اخذ طلق صناعي بس هي سوت نفسها ذكيه وسوت لي
توسيع لانها قالت معك طلق خفيف وانا ما احس معي شي..
كنت احس بزي الاوجاع العاديه حقه الدوره
رجعت البيت انتضر بما اني ما اعرف الطلق جاني وجع خفيف وصبرت بعدين بدى يشد زوجي نايم وانا
اروح وارجع كل ماشوفت زوجي وهو نايم رحمته اقول خليني انتظر شوي..
بعدين جتني مغصه قويه شوي نطيت عليه قلت لايابنت مايبلها رحمه هو الي يرحمني
قعدت اقومه بهدوووووووووووء اقوله حبيبي حبيبي يقولي هاااااااااااااااااااااااااااه وش تبين
قلت بولد نقز..هههههههههههه
ركبنا السياره وانا ميته خووووف مره اصيح ومره اضحك يوم قربت للمستشفى قلت له امزح هونت..
قال وشو هونتي؟؟على كيفك..
دخلت المستشفى كلبشوني وشافو الرحم مفتوح ثلاثه سانتي
وعطوني طلق صناعي..
وجا الجد وبديت اصيح مره اناديه ومره اطرده من الغرفه..
طبعا كانو حاطين جهاز التخطيط على بطني وياكرهي لذاك الجهاز الوحده قرفانه من عمرها ومربطه
المهم والطلق يزيد وانا اصيح بس ما اصرخ اصيح بصوت واطي واقولهم ابي زوجي ويقعد شوي اذا شافني اصيح خاف وطلع
قاسو الرحم لقوه انفتح 6 سانتي.لكن نبض الجنين بدى يخف مادريت الا الدكتوره الي تولد تطلب دكتوره القيصري
دخلت علي وقالت قيصري
راحو لزوجي وقالو له بسرعه وقع وطيحو قلبه قعد يصيح..وقع وانا ماسكه يد الدكتوره ابوسها والله اقولها ما ابي قيصري
الله يخليك وهي تقولي يموت البيبي ياماما..تبينه يموت ..؟؟
وااااااااااااه اشوف زوجي برى الغرفه واقف يدق على امه ويقعد هو وامه يصيحون..مدري كان خايف علي ولا على ولدي..
ودخلت لغرفه العمليات وانا رايحه كنت اسمع وحده حجازيه تولد تلعن زوجها قلت مقديه فيه..
يوم دخلت العمليات الا واشوف هذاك الزنجي الطوووووووووووووووويل يقولي وش اسمك
قلت له اسمي فلانه قال طيب اش اسم ابوك قلت فلان قال يوه انتي مانمتي؟؟؟ من كثر شرب الشاهي والقهوه والله
ههههههههههههه
المهم قالي طيب عدي للعشره اذكر قلت واحد وفتحت عيوني وانا والده..لقيت جنبي ممرضه قلت لها انا ولدت قالت ايوه
ياماما جيب ولللللللللللللللللللللللللللللللللد قلت كويس الولد قالت ايووووووووووووووووووه كتير حلو وجميله سمسم ماما
وغطيتها نومه مره ثانيه فتحت عيوني بعدها بشوي واسأل نفس الاسئله الا الممرضه كان ودها تعطيني بنج ثاني تفتك مني
وطلعوني فوق لقيت زوجي ماخذ لي اكبر جناح بالمستشفى مع اني كنت اول اقوله ابولد بجناح قال اعقلي بلا حركات مالها داعي...ولقيته جايب لي كل شي من شوكلاته وورد وقهوه وشاهي
واول ماشافني باسني على جبيني وقال حمد لله على السلامه..
استغربت زوجي مايفهم بشي وانا كنت دلخه ماجهزت اي شي ما اعرف تجهيزات المستشفى..بس شكل خالتي كانت هي الي مسويه كل شي..
وشوي دخلت امي وخواتي وقالو مبروك وقلت لهم ما اقدر اقوم اجلس عشان عمليه الا كلهم صرخو اي عمليه قلت قيصري كلهم طاحو على الكنبات والا امي من غير شعورها تهاوش زوجي تقوله ليش تكذب علي تقولي طبيعي
قال ما ابي اخوفك..قالت حنا قلنا للناس طبيعي..الله يهديك..
وطبعا امي بعد كانت جايبه القهوه والشاي والزنجبيل والشوكلاتات وكل شي..

انتم قلتو بالشرح الوافي وانا كتبت كل شي
طبعا بعدها زوجي تغير يعني لاتحسبونه للحين يسوي هالحركات..خلاااااااااااااص البكر وبعدها
تطنيش ..وجبت ولدي الثاني بعد خمس سنوات والي فبطني بنوته الله يجيبها يارب على خير

ادعو لي اولد واجي اقول لكم وش صار ؟؟؟؟؟؟؟؟؟؟؟؟؟؟؟؟؟

أنا ولدت بكري و زوجي بعيد ما كان موجود كان في دورة عسكرية

حتى الإتصال كان ممنوع تعرفون نظام العسكرية ما درى إلا بعدين

لكن يقول كنت حاس وراح وصرف له تلفون وكلمني وأنا بس أصيح

عجزت أتكلم تصوروا ولدت وزوجي ما كان داري لكم فرحته المسكين

ما تمت مسكوه وهو يكلم وجازوه ولا طلعوه مع الشباب جلس ما شاف

بنته 3 أسابيع عاد أنا النفسية حدث ولا حرج أسؤ نفاس مر علي وأمي

تقولي تعوذي من الشيطان دام إنه حي الحمد لله وكل ما قالت هالكلمة

أزيد صياح يعني بصراحة ما لها طعم الولادة من غير زوجك الله يخليهم

لنا إن شاء الله

للرفع ...وين البنات