شو مشكله بشرتج ؟؟؟ ادخلي وخبريني .....وبأذن الله افكج منها.

الله يوفقك ويسهل امورك مشكوره حبيبتي على مساعدتك للبنات

اتمنى تساعديني في مشكلتي واكون شاكره لك

- انا حابه استخدم اي كريم اومقشر عشان اسوي تجديد لبشرتي وتصير مشدوده ونضره وانا بصراحه محتاره بين الرتن اي او كريمات احماض الفواكه مثل نيوستراتا < مدري صح كذا اسمه
بشرتي الحمد لله مافيها مشاكل حاليا بس ابغاها تصير مشدوده وحلوه بالمكياج
عمري 24
واستخدم غسول جونسون واحيانا ديتول وكريم مرطب من نيفيا
بشرتي حساسه مختلطه(ماكن دهنيه واماكن جافه) ويطلع فيها حب الشباب بسهوله

وابي اسألك اذا تعرفين شي لاثار جروح قدييمه في الساق ابي مقشر قوووي جدا لانها مارضت تروح ابدا

والله يعطيك العافيه ماتقصرين

بارك الله فيك أختي dreem
أنا أعاني من حب الشباب :(
بشرتي دهنية 100% والحمدلله
أغسل كل يوم ثلاث مرات بصابونة الـ Acne Aid
وبس ،، يعني ما في خلطات ولا هم يحزنون
وقفتها من قبل شهر
والحبوب طبعاً منتشرة بكامل الوجه وأحيانا ً الرقبة
كل ما أحس إنها خفت
ترجع تطلع حبوب جديدة
أحيناً أملّ وأحياناً أطنش وأحياناً أكره نفسي
الله يعين
وإن شاء الله تفيديني
وشكراً مقدماً :26:

أنا مشكلتي تطلع بوجهي حبوب وتختفي من حالها وترد تطلع مرة ثانية مع أن بشرتي كانت صافية بس ألحين أختربت ماأدري وش السبب

يعطيج العافية عزيزتي

تسلمين على هالمبادره والله يجعلها في ميزان حسناتج يارب

أنا بشرتي تقريبا مختلطة يعني فيها أماكن جافة وأماكن دهنيه

عندي مشكله صغيره الي هيه البثور السوداء عاللأنف

والهالات السوداء تحت العين

فياريت اذا عندج حل حق هالمشكلتين تفيدينا فيهم

ما استخدم أي مستحضر ولا غسول يومي غير الصابون العادي

لأنه بصراحه ماعرف شو يناسب بشرتي

ساعات استخدم اسكينول لتنظيف الوجه وساعات كريم جليسوليد لترطيب الوجه

ياريت تنصحيني بالمستحضرات اللي تناسب نوع بشرتي

انتظر الرد واسمحيلي عالإطاله

وشكرا،،

مشكورة أختي على هالموضوع
والله يجعله في ميزان حسناتج

الغاليه أنا عندي مشكلة عدم توحد اللون في جسمي كله
بدايه من ويهي لييييييييييييييين اصابع ريولي :09:

بشرة ويهي كانت صافيه بس قمت العب في ويهي وماتم شي ماجربته عليه عشان جيه اخترب
بشرتي مركبه وفيها كلف بس مب وايد وآثار حبوب.... هالحبوب ماتطلع إلا وقت الدوره بس وتترك أثر وأغلب الأوقات العب فيهم بس الحمد لله من مدة قدرت اوقف هالعادة السيئة

وغير جيه مايحتاي اقولج كيف جسمي لونه مب متوحد......
الآباط لون
والركب لون
والأكواع لون
والحين جسمي كله خطوط لأني متنت :09:

ابغي شي سهل وتبان نتيجته بسرعه .......... ادري اني طماعه بس شو اسوي معذوره
متزوجه وموظفه وماعندي وقت حق الخلطات
لو تقدرين تدليني على كريمات تساعدني في الموضوع بكون شاكرة لج

تحياتي لج