الله يسعد اوقاتكم حبيباتي
اليوم برضه اكسسوار حنعمله سوا وهو عباره عن اسواره بخيط النايلون المطاط
اختي كلام الحب مشكوره عرضت صور لساعات وانا كنت بدي اعمل ساعه وانزلها لكن القمر سبقني
على فكره هي نفس طريقة عمل الاسواره وبآخر الصور انا منزله صوره لساعه عملتها لبنتي لطقمها الابيض واسود ان شاء الله بتشوفوها
طولت بالحكي خلينا نبدا الشغل
المطلوب: زراديتين المبرومه والمبسطه , خيط نايلون مطاط (وهو شفاف طبعا ) , ضفدعه (هيك متعارف عليها عنا) حلقات , قفله للاسواره , خرز ملون, حدايد اكسسوار. وهي صورهم
اول شي بناخد خيط نايلون على مرتين وبنقيس 25 سم وبنقص( 50 سم على 2)
بنجيب الضفدعه وبندخل الخيطين من وبنعمل عقده كبيره شوي حتى ما تطلع او تخرج من الفتحه
شفتي العقده؟ هلأ بنشدها للداخل وبواسطة الزراديه المبسطه بنقفل الضفدعه عبعض فبيصير عنا كره فضيه
وشايفه الشكل المعكوف اللي بالضفدعه هاي بواسطة الزراديه المبرومه بنكمل لفها وبنقفلها
هلأ بنحط خرزه بكل خيط يعني بالطرفين
حبة خرز مغايره باللون بندخلها بخيط والخيط التاني بندخله من مكان ما خرج الاولاني يعني واحد بعكس التاني
ونشد
ونتابع
هلأ بندخل خرزتين وحده بكل خيط وبنجيب حديدة اكسسوار الها فتحات من الخلف وبندخل الخيطان من خلالهم
هيك بيصير المنظر وهاد الوجه شيت الحديده
بنكفي الشغل على نفس الطريقه وبنوصل للنهايه
هلأ دور الضفدعه التانيه لقفلها بندخل الخيطين من الفتحه وبنعمل عقده بربط الخيطين سوا وبنقفل الضفدعه متل الاول وبنقص الزايد من الخيطين بس مو للآخر بنخلي شوي عشان نلحمهم بالنار وبنسكر عكفة الضفدعه
هيك صار شكلها بعد القفل