بنات أبي أخبركم سالفتي بس أرجوكم لا تضحكون عليه وخذوني على قد عقلي وطولوا بالكم لأني عندي أسئلة انتوا بتشوفونها تافهة وسخيفة بس والله أنا ما أعرفها .
بصراحة أنا أبوي ما يسمحلي أروح الصالون بتاتا بتاتا بس اللهم إذا في عرس مرات ها مرات بس يسمحلي أروح أسوي مكياج وتسريحة وبس. (ما هنيه المشكلة الحين بقولكم وين ) المهم أنا صرت أشوف ربيعاتي في المدرسة يسوون أشياء في شعرهم ويتعدلون وبغيت أصير نفسهم فدايما أطلب من أبوي يوديني وما يرضى بس قعدت أحن عليه وأحن و أحن الين وافق .
المهم أنا شايفة وحدة من ربيعاتي ملونة شعرها خصل فقلت أروح أسوي نفسها بس يوم سألتني راعية الصالون شو تبين تسويين قلتلها أبا أسوي شعري قالتلي تبين هايلايت ولا ميش ولا صبغة وقالت شيء بعد ما أذكر شو هو؟ (وهنيه كانت المشكلة)اتعرفون ليش كانت المشكلة؟ الحين بخبركم بس أخاف طولت عليكم.
تعرفون شو المشكلة؟ المشكلة أني أنا ما أعرف هي شو قصدها بها السوالف. أنا ما أروح صالونات والمشكلة الثانية إني استحيت أسألها بتقول شو هالغشيمة؟ فقلت مالي إلا بنات حواء الحلوات بسألهم؟
بس أرجوكم لا تنزعجوا مني انزين؟ خبروني شو يعني:
1- الهايلايت ؟هو نفسه الخصل ولا لا؟
2- الميش؟
3- المنكير والبديكير؟ ديلوكس باديكير؟ مانكير فرنسي؟مانكير وباديكير بالشمع؟
4- الفيشل؟
5- الواكس وشو الفرق بينه وبين الحلاوة؟
6- سكرب ناشف كامل؟ أرجوكم تخبروني شو هذا؟
7- بيرم حواجب؟
8- فير غاز؟
هذا كل اللي أتذكره الحين . وسامحوني طولت عليكم وخذوني على قد عقلي وجابوني أنا أنتظر
سوسو بو @soso_bo
عضوة جديدة
يلزم عليك تسجيل الدخول أولًا لكتابة تعليق.
سوسو بو
•
حبيبتي (مظلومة وايد ) ما عاش اللي يظلمج مشكووووووووورة وايد على ردج وتفهمج أنا كنت أحس إني وايد تافهة علشان ماحد عبرني ورد عليه بس انتي رفعتي معنوياتي.
بس أنا بعدني أبي أفهم شو يعني ها الأشياء اللي سألت عنها علشان أشوف إذا هي تناسبني ولا لا وعلشان بعد ما أحس نفسي غشيمة يوم البنات يسولفون عنها.
أتمنى أحد يفهمني ويفهمني.
بس أنا بعدني أبي أفهم شو يعني ها الأشياء اللي سألت عنها علشان أشوف إذا هي تناسبني ولا لا وعلشان بعد ما أحس نفسي غشيمة يوم البنات يسولفون عنها.
أتمنى أحد يفهمني ويفهمني.
بنوتـــة
•
عادي حبيبتي لا تستحين ولا شي ..اصلا هالكلمات مش عربيه ودخيله علينا ....وانا مثلا اسير صالونات بس في بعض اللي ذكرتيه صح اني اسمع فيه بس ما اعرف كيف يسوونه ...بقولج اللي اعرفه ...
1- الهايلايت ؟هو نفسه الخصل ولا لا؟
ايوه اعتقد هو الخصل ...
2- الميش؟
مثل الخصل الملونه بس تكون الخصل على كل الشعر وتكون الخصل صغيره واظن ان اللون يكون درجات الذهبي ....
3- المنكير والبديكير؟
منكير = ترتيب اظافر اليد
بدكير = ترتيب اظافر الرجل
ديلوكس باديكير؟
مادري بس من اسمه كأنه ترتيب اظافر للرجل بس على مستوى خخخخ يعني عنايه خاصه يمكن الاعتناء بالقدم كامله مثلا ...؟
مانكير فرنسي؟
ما اعرفه
مانكير وباديكير بالشمع؟
اول مره اسمع فيه خخخخ
4- الفيشل؟
تنظيف الوجه ..يعني بالبخار او الماسك والكريمات وهالسوالف
5- الواكس وشو الفرق بينه وبين الحلاوة؟
الواكس يا حبيبتي معناها بالعربي "شمع" يعني يجيبون شمع سايح دافي ويفردونه على الجسم وبعدين يستعملون القطعه البيضه علشان يشيلون الشعر ...يعني مثل استخدام الحلاوه السائله..
6- سكرب ناشف كامل؟ أرجوكم تخبروني شو هذا؟
شو هذا بعد ناشف كامل ؟ مادري اللي اعرفه السكراب هو مثل الكريم اللي فيه حبيبات تفركينه على وجهك او جسمك علشان يقشر الطبقه الخارجيه للبشره بلطف ...
7- بيرم حواجب؟
مادري اظن نتف الحواجب ؟
8- فير غاز؟
اسمع فيه بس مادري كيف يسوونه؟
هذا اللي اعرفه عاد لو طلع شي غلط مالي شغل ههههههه
1- الهايلايت ؟هو نفسه الخصل ولا لا؟
ايوه اعتقد هو الخصل ...
2- الميش؟
مثل الخصل الملونه بس تكون الخصل على كل الشعر وتكون الخصل صغيره واظن ان اللون يكون درجات الذهبي ....
3- المنكير والبديكير؟
منكير = ترتيب اظافر اليد
بدكير = ترتيب اظافر الرجل
ديلوكس باديكير؟
مادري بس من اسمه كأنه ترتيب اظافر للرجل بس على مستوى خخخخ يعني عنايه خاصه يمكن الاعتناء بالقدم كامله مثلا ...؟
مانكير فرنسي؟
ما اعرفه
مانكير وباديكير بالشمع؟
اول مره اسمع فيه خخخخ
4- الفيشل؟
تنظيف الوجه ..يعني بالبخار او الماسك والكريمات وهالسوالف
5- الواكس وشو الفرق بينه وبين الحلاوة؟
الواكس يا حبيبتي معناها بالعربي "شمع" يعني يجيبون شمع سايح دافي ويفردونه على الجسم وبعدين يستعملون القطعه البيضه علشان يشيلون الشعر ...يعني مثل استخدام الحلاوه السائله..
6- سكرب ناشف كامل؟ أرجوكم تخبروني شو هذا؟
شو هذا بعد ناشف كامل ؟ مادري اللي اعرفه السكراب هو مثل الكريم اللي فيه حبيبات تفركينه على وجهك او جسمك علشان يقشر الطبقه الخارجيه للبشره بلطف ...
7- بيرم حواجب؟
مادري اظن نتف الحواجب ؟
8- فير غاز؟
اسمع فيه بس مادري كيف يسوونه؟
هذا اللي اعرفه عاد لو طلع شي غلط مالي شغل ههههههه
سوسو بو
•
أنا أشكر كل اللي ردوا علي وبصراحة أفدتوني وما قصرتوا أبدا وما خيبتوا ظني فيكم.
مشكووووووووووووووووووووووووورين وااااااااااااااااااااااااااااااايد
مشكووووووووووووووووووووووووورين وااااااااااااااااااااااااااااااايد
الصفحة الأخيرة
ياحبيبتي تراج بعدج صغيره على هالسوالف يوم بتعرسين باذن الله غيري من شكلج
أنا أنصحج ما تسوين شي في عمرك بالذات الصبغ خلي شكلج طبيعي بس حافظي على رشاقتج ونظافة واشراق بشرتج ونعومه شعرج وجسمك على طول ناعم ونظيف وريحته حلوه
يعني اذا حابه تسيرين الصالون سيري سوي تنظيف بشره بس مب عند أي حد سيري صالون الي حوليج يمدحونه علشان ما تبهدلين نفسج لازم تسألين لأنه الصالونات أشكال وألوان
مثلا في صالونات شاطره في تنظيف البشره وفي صالونات شاطره بس مثلا في المانيكير والباديكير
وهي بكمل سوي بعد مانيكير باديكير ( تنظيف وترتيب أظافر اليد والرجل)
سوي حمام زيت لشعرج من فتره لفتره وسشوريه بس مب وايد علشان ما يتقصف ويتعب
تين تكونين مشرقه أكثر وأكثر نظافه نظفي أيدك ورجلج بالحلاوه أو بالطريقه اللي تحبينها بس الحلاوه أحلى
سوي أقنعه لبشرتج وشعرج في الصالونات أشياء حلوه بس مثل ما قلت لج صالونات شاطره ونظيفه
وتقدرين تسوين بعد أقنعه في البيت أحسن وأرخص
ولا تلعبين بحواجبج ولا شي خلي الطفوله موجوده فيج نتف الحواجب يشوه الويه ويكبره وغير انه حرام
وغير المنتدى مليان أشياء ونصايح في قسم العنايه بالبشره والشعر وكل هالسوالف وصدقيني لو اهتميتي بعمرج بالذات من ناحيه رشاقة الجسم ونقاء ونظافة البشره والجسم ونعومة الشعر والريحه الطيبه بتكونين أجمل بنت في المدرسه
أما عني أنا نفس الشي يوم كنت في المدرسه ما كان ابوي يخلينا نسير صالونات حتى لو عندنا عرس غير بس نتحنى وبس لكن ما كنت أنسى نفسي كنت أنظف نفسي بس في البيت من تنظيف بشره على قدي وماسكات وغيره وحتى حمام الزيت كنا نسويه بروحنا في البيت مع اخواتي طبعا وامي معانا
ويوم عرسنا طبعا علشان الزوج ما يمل من نفس الشكل بديت عاد أصبغ وأسوي هاي لا يت على قولتج وقص وغيره
ان شاء اكون أفدتج حبيبتي