شى تعودنا وتربينا عليه

السلام عليكم يااخواتي
حنا مجتمعاتنا متقاربه لكن احس حنا بزود
يعني ربونا على الخوف من اشياء كثيير
كبرنا وبعضنا تخلص منها وبعضنا اصبحت عقد عليه
انا للاسف من الناس اللي صارت عقده علي
يعني يخوفوني من الناس والعالم والرجال والخادمات والعماله والاماكن المرتفعه والرعد
ونشاءت خواااافه اخاف من كل شي للاسف
احيان احاول اغامر ومااخاف واحيان احس بالضعف واضعف
يجيني خوف من الناس كانت علاقتي كويسه
لكن بعد ما ناس يقربون لي خذلوني حسيت فقدت ثقتي فعلا بالناس
ويوم عن يوم افقد ثقتي واخاف اكثر من الناس
الشى الثاني مع كثرة الامراض والموت المفاجى صابتني وساوس الدنيا
وخوووف وقلق من كل شي من الامراض ومن الموت
يعني الحين لما اتذكر غالبا اتذكر واتخيل الاشياء السلبيه والمخيفه حاولت اتخلص منها
وقبل امس كان فيه ناس بتبدا دورة بتنمية الذات والتخلص من القلق
الا تجي وحده وتقول ترى هالتدريب من العادات مدري عبادات البوذيين
وخوفتني رغم اني اشووف ناس كثير يمارسونها هالتديبات بس فعلا معد ندري وش الصح من الغلط
ومشكلتي عندي تانيب ضمير زايد عن حده لو اخطي اطوول موسوسه واخاف تنزل علي عقووبه
لدرجة اي صوت يجي يخوفني اقول هذا عقاب من الله هذا كذا وكذا
اتمنى فهمتوني