شيء بخاطري

بنات انا اخترت هذاالقسم وليس له علاقه بما سااكتبه ولكن شفت ان رواده كثير , المهم اشتكي لكم نفسيتي اللي ماادري ليه انا كذا ؟ كتبت في هذاالمنتدى عده موضوع ليس حبا في الكتابه وانما كعبث وتجربه , المهم انا دايما يضيق صدري وعندي ان الدنيا ماتسوى شىء خاصة اذا سمعت
ورايت المعذبين والمقهورين اتحطم ومثلا دائما اقول لنفسي ليه نلبس وليه نسوي علاقات وليه نستعد لزوجات وحفلات وطبخات ومجاملات ونحن في النهايه سنموت ؟ عندما ارى باالابيض والاسود افلام او برامج فإني احدث نفسي واقول شوفي هاؤلا اين هم الان ؟ فمثلا
اذا شفت ممثله او اي شخص باالقديم بالابيض والاسود كاالافلام مثلا لابس ومشخص ومتزين
اقول بنفسي ماالذي استفادة لبس وشخص و... و... و ثم النهايه مات ونحن سنكون مثله ؟
وبعد ذلك اتحطم ووالله اني ازهد واستحقر هاالدنيا حتى اذا اتينا نروح لعزيمه او زواج فإنني
اعبر حالي عبر واذا قالو لي ليش قلة هاالاهتمام بنفسك ماكأنك بنت الثاني والعشرين من العمر ؟ ارد واقول الدنيا ماتسوى, جداتي السابقات لبسن وتحنين وتعطرن ثم ماذا ؟ متن وتوفين ؟ وكل شىء عندي ماله داعي لانه سوف يمضي ويروح ويكون كل لبس وشكل مجرد
ذكرى ؟ واحس ان حالتي أثرت بحياتي بحيث صرت اطنش كل شيء حتى باالدفاع عن نفسي ,
او الاهتمام ؟ وتصدقون ان باالعيد عندما اجتمعنا مع الاهل وخلص الاجتماع وتفرقنا قلت بنفسي هاااااه وبعدين اللي لبست وش استفادت واللي سوت اكلات وش استفادت كل شيء انتهى وصار حلم ؟ بعد ايام او شهور لن نتذكر مالبست فلانه او طبخت فلانه فلماذا نشقي انفسنا له بااللبس او التحضير , اعرف انكم ماراح تفهموني , لان كلامي غريب ومافهمني احد
الى الان ؟ اوضح لكي , عندما عزمتي احد في بيتك عزيمة عشاء مثلا قبل سنه او اكثر او اقل
ماذا عملتي ؟ اكيد سويتي حلى ورز ولحم ومقبلات وسمبوسه و... و... الخ واكيد انك متي من التعب صح ؟ الان سؤالي لك هل الناس الذين حضروا عزيمتك العام الماضي او السنون الماضيه يتذكرون ماذا اعددت لهم باالتفصيل او على القهوه ؟ الجواب طبعاااااا لا لا لا,,
اذن لماذا نذبح انفسنا باالشكليات والمظاهر ونتعب وهو كل شيء مثل ماقلت زائل زائل,
وبنفس الوقت اتعذب واتحطم عندما ارى المعذبين والمحرومين والحزانى واتمنى اقسم لكم باالله الموت واتشوووووق اليه واعتبره ملاذ امنا وعند الله , حتى إذا قرات باالمنتدى عن مشكله او مريض فانني اتعذب له واحزن ايام وافكر فيه , وانا كلما اكبر اززززززيد من احتقار الدنيا ويضيق صدري واذا شفت لهو الناس واجتماعهم ينتابني خووووف ووساوس واقول هل امنو على نفسهم من الدنيا وهم لايعلمون ماالذي سيكون ؟ وحتى اذا رائيت مشكله بين شخصين فاني اقول للمظلومه ماااااله داعي تاخذي حقك وتردين عليها اتركيها كلنا بنموت
وبعدين وش يكون فائدة ردك عليها ؟ الناس يشوفوني كذا مااهتم باالرد او اخذ حق يحسبونني
لاافهم او على نياتي !! بينما انا نفسي تأبى وتستحقر الرد او اخذ حقي من احد لاني اقول بنفسي وبعدين اذا لبست او اخذت حقي و...و.. النهايه الموووت >> انا طولت كثيرررر عليكم بس ابغى اشوف ان كان فيه احد مثلي او لا , وماذا تسمون اللي انا فيه هل هو جنون ؟ انا ابغى اشارك واكتب لكن مالي نفس واقول مردوده راح يكون ارشيف ويتنسى مثل المواضيع اللي راحت وصارت احلام , انا قاومت وكتبت كذا موضوع لكني عدت لادراجي وانهزامي
اسفه على بعثره الكلمات وطولها بس حبيت اشوف رايكم ..