السلام عليكم هلا صبايا
اخباركم علومكم كيف من يعز عليكم
اخباركم اخباركم اخباركم
<<<ابي اوريكم اني ذربه مثل اللي من يوم تقعدين لين تقومين وهم وشخباركم وشلونكم خلاص مره وحده وطيبين وقضينا خخخ:biggrin2:
المهم ياحبيباتي عشان ماأشطح عن موضوعي وانا وحدتن معروفة بالشطحات خخخ:35:
كنت قبل كم يوم قاعده عند التلفزيون وابو مشمش حاط على الاخبار قلت ابو مشمش وش رايك نغيير الاخبار نغير جو شوي
قال اش بسمع:eek:
قلت ابومشمش انا لي حق انا انسانة لي حقوق المرأه ترى ياابو مشمش كيان مستقل له حقوقه المستقلة وبعدين نظرة ان الرجل هو السيد والمرأه مملوكة تغيرت:a_smil17:
>>متأثرة ببرنامج سمعته
كنت مغمضة عيوني من الحماس فتحت الا الرجال جايه تلفون ورايح يكلم مب لمي
وعيالي مشمش ومشموشه واقفين قدامي مطيرين عييناتهم مايدرون شقول
الموهم
وانا اللي افرح واقبض على الريموت واحس باني حققت ذاتي واني اقدر احط اللي ابيه
واقلب واقلب
الا وقفت عند محطة الرسالة يازينها
والا فيها داعية مصرية تتكلم وقالت كلمة أثرت فيني وربي قشعرت جسمي واحسها الى اليوم تتردد في ذهني قلت لازم اعلم حبيباتي واخياتي فيها
كانت تتكلم عن فعل الخيرات وانها تكون بوسائل بسيطة يسويها الإنسان
وقالت ادفعي البلاء عن نفسك وعن بيتك وأولادك بهذه الأمور
اشياء بسيطة
اقلها توزيع ورقة فيها دعاء مأثور أو إرسال رسالة جوال ممكن تذكر غافل أو قضاء حاجة لإنسان
وأهم شيء انك تحتسبــــــــــــــــــــــــــــــــــــــــــــــــــــــــــين:26:
قال صلى الله عليه وسلم
( صنائع المعروف تقي مصارع السوء
والآفات والهلكات .. وأهل المعروف في الدنيا .. هم أهل المعروف في الآخرة )
رواه الحاكم عن أنس .. وصححه الألباني في صحيح الجامع
لذلك حبيباتي اصنعي المعروف ........... قبل مايكون للناس يكون عشان نفسك وعيالك
اسأل الله تعالى ان يعينني واياكم على صنع المعروف ويسعدكم ويقيكم من كل شر
ودعواتكم لي بهذه الساعة المباركة:icon35:
يلزم عليك تسجيل الدخول أولًا لكتابة تعليق.
الصفحة الأخيرة
وجزاك الله خير
سلمي على مشمش ومشموشه