بدون مقدمات هذي وصفه يسوونها كثير من السعوديات // فديتها وفديت جمالها بنت بلادي :love:
و حابه احط هالوصفه هينا يستفيدون منها اخواتي الغير سعوديات و حتى بعض السعوديات اللي ما يعرفونها يسوونها
هالحركة بسيطه لكن جميلة جدا جدا
جيبي قشور ثلاث برتقالات
http://mawdoo3.com/extensions/ArticlePics/articlepics_uploads/thumbs/insidearticle_W330/2431/1348650136/فوائد_قشر_البرتقال.jpg
و جيبي قشور ليمونتين
http://www.sihatoka.com/wp-content/uploads/2013/03/قشر-الليمون.jpg
و جيبي كاسة موية ورد طائفي أو إيراني أو مغربي إللي تحبين \\ أنا شخصياً أحب موية ورد الطائف الأبية :hearts:
و جيبي كاسة من منقوع الرز
( طريقته معروفه جيبي نص كاس رز ويكون نظيف و منقى و نقعيه بكاسة مويه عذبة لمدة ساعتين وبعدها صفيه وخوذي المويه بتعبي لك الكاسة )
و جيبي ملعقتين من عشبة البابونج ( غير مطحونة عشبة عادية )
حطي كاسة موية الورد و كاسة منقوع الرز و القشر و البابونج على النار و خليهم يغلون لمدة 10 دقائق ثم طفي النار و خليهم لين يبرد و بعدها صفي مويتهم يعني بدون البابونج والقشور
الجزء الأول ثلجيهم ( حطيهم بقوالب الثلج بدال المويه ) و بعد كل حمام مغربي يعني مره اسبوعيا خوذي ثلجه و مرريها على كامل جسمك و وجهك و ركزي على وجهك و رقبتك و صدرك وبطنك و مؤخرتك و فخوذك وسيقانك يعني الأماكن المعرضة للترهل وبعدها رطبي جسمك
الجزء الثاني حطيهم بعلبة رشاش أو علبة زجاجية عادية أو بقارورة الاسكينول ( يعني استخدميه كتونيك عادي ) و حطيه بالثلاجة يوميا قبل النوم بعد ما غسلتي وجهك بالغسول أو بالصابون مرري عن طريق قطنه مبلله بهالتونيك على وجهك ورقبتك ونحرك و حسي بالنظافه و الانتعاااش و بعدها إذا حبيتي رطبي وجهك
و بس جربوها و التجربة خير برهان و سلامتكم :35: