لما جابتني هنايا من اليابان عشان أكون مقيمة جديدة وأسكن في
بيت عالم حواء الكبير ، لقيت إن جيراني الأفكار ما شاء الله وايد . . ،
يعني يمكن بعد سنة أقدر أتعرف عليهم وحدة . . وحدة . .
أوووووه آسفة . . وايد . . وايد . . وايد . .
نسيت لازم أعرفكم على نفسي بالأول أنا فكرة . . طلعت على الدنيا فكرة
واسمي فكرة . .
بس الصراحة لما هنايا عرضت علي إني أعيش في عالم حواء خفت وترددت ،
خفت إني ما أرتاح أو ألاقي في بيت عالم حواء أشياء تضايقني ، لكن تفاجئت
أول ما دخلت عالم حواء ، لقيت وايد من ربعي الأفكار إللي كنت أعرفهم وإللي
جمعتني فيهم الصداقة يوم من الأيام ، ولما فارقتهم أحس إني فقدت شي كبير
والحمدلله إني رجعت اجتمعت فيهم في بيت عالم حواء . .
كل واحد يعجب فيني بكل بساطة أقدر أسكن عنده . . !!
لا تستغربون يا بنات عالم حواء ، الشغلة بسيطة ما تبي أكثر من إنه ينفذني . .
وأنا طريقتي وايد سهلة وبسيطة وممتعة بنفس الوقت . .
إللي حاب ينفذني أول شي لازم يكون عنده قنينة مناسبة ويفضل مثل قنينة
عصير العنب لأن هيئتها ولونها مناسبة وايد حق تنفيذي . .
وهنايا دورت وايد وجربت وايد ولقت هذي القنينة هي الأنسب . .
وبعدين لازم يكون عنده قطعتين قماش ، والقماشة إللي اختارتها هنايا الأولى
سادة والثانية فيها نقشة ناعمة وحلوة ومتناسقة . . ، وطبعا يقص القماشة بالقياس
المناسب . . ، ويحطهم فوق بعض . . .
ويلفها على رقبة القنينة بعد ما يثني طرفها . .
ويرفع الطرف الثاني ويغطي فيه الناحية الأمامية من القنينة وبعد يثني طرفه
عشان يطلع شكل القماشة من الناحية الثانية . .
ويشده من الخلف . .
ويا سلام على الزي الياباني . . ويا سلام على القنينة لما تصير تشبه الدمية . .
