شيء هبط شوشة بنيتي..الله يوفج من قالتلي..

السلام عليكم ورحمة الله
يابنات انا عندي بنيه ياحياتي عمرها ثمان سنين، عليها شعر تحفه..والله انه شوشه ومنفوش بشكل الله لايوريكم،وتحب الزين والتلبس ودوم جدام المرايه،تعدل في شعرها وترتب لكن .....لافائده:44:
طبعا شعرته ناعمه او بالاحرى نويعمه.هاهاهاهاه،..لكن دايم نافش ،جربت زيوت وخلطات،وحناء لكن مفيه نتيجه ..وقالتلي وحده حطي زيت اللوز في شامبوها حق التروش،،واذا بغبيتي تتحميمها رجيه واستخدميه عادي..والله يارب لك الحمد وماشاء الله تبارك الله الشوشه هبطت طبعا مو من اول مره ولاثاني يعني جلست تقريبا شهر ونص وانا مااحممها الافيه واحمد الله فيه تحسن وراح استمر ،بنات انا اذاجربت شيء واستفدت منه احب اقول للناس عسى اظفر بدعوه حلوه منكم تكفون اللي تستفيد لاتبخل علي بالدعاء بالفرج والتنفيس.ودمتم