حلو الموضوع
اللي يميزني شاطره بالطبخ عموما ويميزني ترتيبي لبيتي

حاليا إلي يميزني احب اجرب طبخات مصورة .. بعضها تطلع حلوى زي ما ابي وبعض منها لاااااا
العجينة جربببت أكثر العجائن آخر شيء أعتمدت عجينة العشر دقائق ..
عيبي ما أحب الكوي و ترتيب الدولاب وفيني كسل وأتمنى أصحى الصبح و أستغلال وقت الفراغ ..

مميزه في ألنظافه والترتيب وفاشله في ألمعجنأت ولاكلات الشعبية

آه واه واه والله قبل أتزوج كنت مميزه بطبخي وتنضيفي وترتيب البيت بس بعد الزواج جاني كسل مؤ طبيعي يعني الحمد لله مميزه بالضغط والخبز وكنت قبل الزواج اطبخ ذبيحه كامله طبعا سليق وذحين الله يفرجها علي ويشيل عني هالكسل وصراحه فاشله في تنسيق الأثاث ودي انسق من عقلي بدون ارجع لي أي احد أونت. مشكوررره ع المضوع العسل❤❤❤

انا مميزة بالشاهي والقهوة الرجاليه والقهوة النسائيه لان عندنا قهوة الرجال غير برغم اني ماشربها كلها ههههه
طريقه قهوة الرجال وهذي علمني ابوي الله يحفظه فيها وانا عمري صغير وحافظه طريقته واعجبت زوجي بعد
اول شي اجيب بن الي هو قهوة حب واحمسها مع الشيبه والمستكه الين تجي شقرا مرة بس تبي لها خفه فالحمس واذا خلصت حمسها اخليها الين تبرد واطحنها عادي لاني لو طحنتها حارة بتخرب القهوة كلها المهم اطحن هيل وقرنفل واحطها بعلبه بس ابوي يحبها توها مطحونه يعني يوم بيومه واغلي المويه مع القهوة تقريب ساعه وبعدين احط كسرة زنجبيل بالدله والهيل والقرنفل وبعدين اصب القهوة عليها وريحتها خيال خاصه المستكه والشبه روعه
اما قهوة الحريم هذي الي ماطيق ريحه بهارها ههههه قهوة عاديه من الي حمستها بس البهار غير الي هي كمون مطحون ونانخه وشويت حبه حلوة وقرفه اطحنها مع بعضها واذا خلصت القهوة احط بالترمس ملعقه حليب او كوفي ميت واحط ملعقه ونص او حسب الضيوف اذا كثير احط ملعقتين من البهار وملعقتين حليب وازل القهوة عليها مع الحلا يشربوها كلها
اما الي فاشله فيه العصيدة ههههه
والي مشهورة فيه كثير المرقرق والجريش والحلا ويجي يوم انزل لكم صور ان شاءالله ومميزة بعد بشغل البيت ومشهورة بالترتيب




وادعو ان الله يشفيني من العين الي فيني والحسدويكفيني شر الي يكيدون لي
لاني مشهورة بحب الناس لي مرة