الصراحه والحق حق انا ناجحه في القهوه والاكلات الريسيه والمعجنات هذي عجينتي عجينة ملامح اذا استفدتو منه ادعولي كوبين ونص دقيق ربع كوب زيت ملعقة اكل خميره شوية ملح ملعقه اكل سكر علبة زبادي او كوب لبن وتعجنينه وتكملين عجن بالماء وبس


فاشله في الكنافه

موضع حلو

انا مميزة جدا في الحلويات


فاشلة في طبخ الرز لاني ناااادر جدا لما اطبخه

فاشله في المعجنات عمري ما ضبطت عجينة و بعدها حرمت اعجن حتى البيتزا اعملها بالتوست
تنظيمي حلو بشكل عام بس ذابحني الكسل و التسويف

بإسم الله


متميزه ف البحوثات احب استكشف كل جديد بالذات الأمور الصحيه فالتغذيه

وأحب أمور العناية بالبشره

مثلا أستخدم منتجات وأقارن وش الأفضل احب الاستنتاج بشكل عام

عندي رواقه احب الهدوء انطوائيه بعض الشيئ

ومشكلتي ماعندي طولة بال ابد لو في نقاش , وشي ثاني من عيوبي

اسوي الي براسي ولا علي من احد دام انه ذا الشي من وجهة نظري ايجابي

حتى لو زوجي رافض لو يضطر يتجادل معي مشكلتي مشكله :king:

,,من ناحية المطبخ ماحب الطبخ بس كون أني متزوجه اضطريت اتعلم ..

أضبط الكبسه و دجاج محمر وأضبط الايدام والكيك ..اضبط الربيان مع الرز المشخول

والسمك المقلي اضبطه ومرات يتفحم ههههههههههههههههههههههه بس لذيذه نكهتي


أحب أزين بالاضافات في افكار بس مافي حركه مثلا لاشفت حد يقطع شمام او شي

اتحمس اروح اصب فووقهم عصير مانجا ولو في رمان انثر شوية حبات رمان فوقه

ولو شويت بطاطس احب ازينها ب مخلل الخيار وزيتون اسود او جبن مبشور وفوقهم مايونيز معصور

المعجنات احاول بين فتره وفتره المره الاولى فشلت الثانيه ضبطت الثالثه فشلت وكرهتها

واحاول اضغط نفسي لاجل احاول اسويها لأني المشكله احبها بس معصمي ضعيف مايشجع اخاف

وانا امط العجينه ينخلع معصمي ويدي لازقه فيها :unsure:

ما اضبط الهريس ولا الجريش

عيوبي فالمطبخ ماحب التقطيع ولا احب اوقف عند المغسله كثير وقت غسيل الأواني :unsure:

الصحون والقدور تهون فالغسل بس مثلا البيالات والفناجيل والملاعق الشي

الي ياخذ وقت ارميهم ب سطل بلاستك ولوكس وانقعهم واجيهم اي وقت وافركهم سريع واغسلهم

على طاري اللوكس الفرن افركه من فوق ب ليفه حديد ناعمه

والطريقه اني احط لوكس وقليل ماء وأوزع بالاسفنجه وافركه ب ليفه حديد ناعمه بشويش

عقبها اخذ فوطه أو اي شي قطني قطعه من الملابس القطنيه منتهيه مابيها وامسحه

واشيله وارميه هذي الطريقه اسرع من البخاخ الي حشرني

وعلى فكره لما يخلص الاسفنج عندي استخدم خيشة البصل اووالبطاطس افرك بها الاواني:unsure:

تقطعينها من النص اريح فالأستخدام الصفراء للكاسات والبيالات والحمراء للقدور

اتمنى أني أفدتكم بشي:icon35:

انا مميزه بالكبسات والمرقوق والمطازيز والحمدلله فطايري رهيبة ومميزة في رمضان بالقيميات وأزبط الكيك بس فاشله في الحلويات البارده وتقطيها والحركات ألي يسونها الحريم مالي خلق عليها😂وماأحب الكوي أكرهه وسلامتكم

مميزه الحمدلله في نظافة ولمعان بيتي وتنسيق اثاثي والحمدلله اذا ابفى اسوي اكله جديده اضبطها بس في شي فاشله فيه اكره اني اطبخ او اسوي معجنات او حلا والاكلات الصعبه زي الورق عنب والملفوف مستحيل اسويه اشتريه جاهز لأن بصراحه الطبخ يحوس المطبخ حوسه بما اني اطبخ بترتيب وما اخليى شي يوسخ الدولاب والارضيه والفرن بس برضو في النهايه يحتاج تنظيف والشي الثاني لما اطبخ الرز او المعجنات يجي شكلها مو مرتب وشكله شهي ههههههه يعني لما اسوي كروسون ماتبان شكل اللف تجي مثل الكبه ما ادري كيف اوصفها لكم<<<<<< ههههههه