شيخ المحشي( كوسا بلبن )

اليوم جايبة لكم أكلة شامية شيخ المحشي ( كوسا بلبن )

المقادير :
كوسا متوسطة الحجم 1 كيلو
لحمة مفرومة ربع كيلو
2 بصل مفروم ناعم
صنوبر مقدار فنجان قهوة ( مقلي)
لبن المراعي ( عيران)
ملعقة نشا
نعناع يابس ملعقة كبيرة

الطريقة
تحفري الكوسا شوي ( تشيلي اللب )
و بعدين تقليها نص قلية بالزيت و تحطيها على جنب مشان تبرد

تحمسي اللحمة مع البصل و شوي بهار و ملح و لما تستوي تحطي الصنوبر معها و تطفي النار و تقلبيهم مع بعض
تحشي الكوسا باللحم و تحطيها عالنار و تضيفي عليها مقدار كاسة ماء و تغطيها

تجيبي اللبن و تحطي عليه ملعقة اللبن و النعناع و شوي ملح و تخلطيها مع بعض و بس يغلي الكوسا الي عالنار تضيفي عليها اللبن مع التحريك المستمر لحد ما يغلي غلوتين و بعدين تطفي النار و تطبخي معها رز بشعيرية

و بالهنا و العافية :cook: