اهلا اختي لمى 2
انصحك بعدم العمليه القيصريه والله عذاب
شوفي الطبيعي وادعي ربك تسهيل الولاده بكل وقت وخلي اللي حولك يدعولك بان يكون طبيعي وسهل والطفل معافى ترى ممكن الدعوه تواجه ساعة استجابه ودعوت الوالدين والزوج واهل الزوج وصدقني بتشوفين العافيه
الله يسهل عليك الولاده ويهون عليك الطلق ويحسن خلق البيبي يارب ياكريم

والله اني كنت افكر مثلك لما كنت حامل ببكري وانا خوااافة من الدراجة الأولى وكنت اتمنى اولد قيصري عشان ما أحس بشي وكنت دااائما ادعي في سجودي ان الله يسهل علي ولادتي والله انها تيسرت بفضل الله وبعد ماخلصت من الولادة احمد ربي واشكره اني ولدت طبيعي وان ربي نجاني من القيصري
صح الخياطه فيها ألم بس مو لدرجة ماتقدري تتحركي اصلا لما تشوفي النونو تتعافين والله يسهل على كل حااامل ولادتها

شوفي حبيبتي انا مجربه الثنتين ..
انتي تتكلمين من خوفك بس يقولون اسأل مجرب ولا تسأل طبيب

بكري طبيعي
والثاني قيصري
وهذا بيكون قيصري اذا ربي اراد

انتي مستهينه ترى بالقيصريه .. تظل عمليه كبرى مو صغرى غير المضاعفات اللي تجي منها .. التصاقات و نزيف وفقر دم غير الاالام ومحدودية الانجاب لبعض الحريم .. غير احتمال ينفجر الرحم اذا جاك طلق بالولادات الجايه لا سمح الله

وترى فيها الام شديده حالها حال الطبيعي.. اقلها الطبيعي بيومها وبعدين يروح اما القيصري يستمر اسابيع وحتى لو خف مايروح الا بعد
شهور .. اذكر اول يوم لما راح تاثير المسكنات كنت ناويه اصبر اشوف يمكن اتحمل .. والله اني اذكر وانا اتلوّى من الالم على السرير .. اي الام طلق اي سكاكين فبطني شي ماانساه الله يرحمنا برحمته ..بعدين ماتحملت وناديت الممرضه..

انا جلست بعد العمليه شهور اذا لمس مكان الجرح شي والله اني انقز من الالم وهذا انا اعتبر من الناس اللي تتحمل

جرحها مايقارن بجرح الطبيعي لانه ياقلبي يشقون 7 طبقات مو طبقه وحده خارجيه

اذا انتي ماعندك مشاكل ولا الجنين عليه خطر توكلي على الله واولدي طبيعي
اذا مرره مو متحمله الالم .. الله يخلي ابرة الظهر ..
ولا تجربين القيصري من غير سبب ترى مايستهان فيها

الاخوات وفو وكفو جزاهم الله خير

الله يجزاكم خير ويسر لي ولكم كل مافي خير دنيا واخره
كلامكم ريحني كثيررررررررر وبتوكل على الله واصلي استخاره واكيد بتكون لي خيره