شيز كيك خليجي ..راح يخلص اول ما تقدمونه واتحداكم بعد.....

هلا والله ...امس تغدوا خواتي معانا في البيت فحبيت افاجـهم بحلى ولا احلى وسويت لهم شيز كيك التمر وماشاء الله الصينيه ما ضل منها شيء ...:o ...فحبيت اشارككم طريقتي ...
المقادير :
بسكويت مطحون انا استخدمت بسكويت تيفاني جلوكوز (الي لقيته):hahaha:
جبن كيري 10 حبات
حليب سائل نص كوب
قشطه عدد2
دريم ويب كيسين
تمر مطحون
ربع فنجان سكر
بيضه
اصبع زبده
جوز الهند ناعم
هيل مطحون ملعقه ونص
قرفه مطحونه ملعقه ونص
زعفران مع ماء ورد
_______________________
اول شيء تذوبون الزبده وتخلطوها مع البسكويت وتضغطونه في صينيه بايركس و بعدين تحطونه بفرن من فوق وتحت لمدة 10 دقائق.
يضرب الدريم ويب مع الحليب لغاية ما يصير كريمه ثم نضيف السكر ثم القشطه وبعدين الكيري والهيل والقرفه وماي الورد مع الزعفران ثم البيضه وآخر شيء التمر .
بعد اخراج الالبسكويت من الفرن نضيف فوقه الخلطه السابقه ونرشهابجوز الهند الناعم على الوجه وندخله الفرن لمدة 10 دقائق من فوق وتحت حتى يحمر جوز الهند قليلا ثم نخرجها ونضعها بالثلاجه و طبعا كل ما طولت بالثلاجه كان طعمها احلى ..واسأل مجرب:22: ..كان خاطري اصورها بس ما لحقت:42: