ماادري وش فيه
المنتدى من كم يوم وانا
احاول اضيف الصور ويطلع لي اكس
بس انتوا
افتحوا الرابط وبأذن الله الصوره بتطلع
السلام عليكم
يا هلا وغلا بأحلى حوائيات
حياكن الله وبياكن
كتبت الموزوع هذا
بناء << وش عندها ام رينا ههههههههههه اجل بناء
ايه الموهيم
بصراحه جتني طلبات واسأله كثيره على الخاص اللي تبي تعرف وشو الكيك واللي ما تعرف بسكوت الدايجستيف وووو
واللي يبون الخطوات اللي سويتها بالموضوع الاول
وخصوصا بعد ما انحذفت الصور يا خساااااااااااااااره:06:
اصبروا بروح اصيح واجي:icon33: لا تستغربون كل الصور اللي بجهازي راحت ادراج الرياح<<< هي صح ادراج الرياح والا غضوا البصر
خلصت صياح:35:
وهذا هو الرابط حق الموضوع الاول
http://forum.hawaaworld.com/showthread.php?t=1434256
عاد انتم تعرفوني والعجز <<< يومي بسنه
على ما اسوي لي شي مره ثانيه
امس جاني قرار مفاجأ كيذا
قلت يالله يا ام رينا وقومي وشمري عن يدياتس الله لا يهينتس
وادخلي المطبخ:cook:<<< وصيري شيفه بسم الله علي الا ما لقوا ينتقون الا اسم شيف لرئيسين الطباخين
هههههههههههههههه
وسوي ذاك الشيز كيك اللي يحبه قلبك <<< وخربي ام ابو جد الدايت واللي خلفوه
وعشان نصور الخطوات بناء على طلب الحلوات اميرات النور الحوائيات
وقمت وجهزت المقادير الموجوده واتصلت على بقالتنا <<<<<<خخخخخخ:hahaha:
وكملت باقي المقادير
وبديت ادهر
قبل لا نبدء بالمقادير كعادتي المحموده بسم الله علي اعرف السنع
لزوم الواجب
لازم نضيفكم
بكوب كابتشينو
مع قطعة سينابون
خلصتوا
الحمد لله
نبدء
هذي كيكة البيتي كروكر
للي ما يعرفونه<<<يا حبك لدق
وهذي المقادير مثل ما انتوا شايفين
15 حبه كيري
وجلي ليمون ترى انا افضل الاناناس او الليمون الاصفر بس راعي البقاله جاب لي الاخضر قلت يالله خلي الشيز يصير لونه تفاحي
و5اظرف دريم ويب
وههذا كاس الحليب وهو نفس الكاس المتبع في كل المقادير اللي انا اسويها طبعن للي سألوني وش كبره الكاس ترى هذا هو
بسم الله
هذي مقادير الكيكه
مو قلنا بنسوي من مقادير الكرتونه كاس
وبنضيف لها ربع كاس زيت
وبيضتين نسيت اصور الثانيه
وهذا بسكوت دايجستيف اللي انتوا شايفينه مدور
طحنته واضفت ثلاث ملاعق لخلطه الكيك اللحين شوفوا المقادير
هنا بعد ما خلطنا الكيك وقبل نضيف مطحون البسكوت
هنا بعد ما اضفنا 3 ملاعق الاكل العاديه من البسكوت شوفوا لونه كيف يصير
ودخلناها للفرن على حرارة 400
ترى ما تطول بسرعه بتستوي بعني 10 دقايق بس
وحجم الصينيه الكبيره او الوسط تكفي
وهي بالفرن ناخذ ظرف الجلي
ونذوبه في كاس مويه مغليه ونتركه على الجنب يدفأ بس شويه لحد مانخلص الخطوه الثانيه
نسيت اصور هذي الخطوه بصراحه
نرجع للكيكه
وهذا بعد ما طلعناها من الفرن
شوفوا كيف شكلها
نخليها على الجنب لتبرد شوي
ونجهز الخلطه البيضاء
وهي عباره
عن كاس حليب بارد
وظروف الدريم ويب نخفقهم لحد ما يصيرون مثل كيذا