شيز كيك مثل سعد الدين والله اميرات الظلام ممنوع الدخوال بتاتا البته

توني جايه من جيرانا قسم الاطباق الساخنه

وسخنوا اعصابي

يالله اللحين تعالوا انتوا بردوها بردودكم السنعه يالسنعات




الشيز كيك هذا

كل من ذاقه استخف عليه

طعمه يشبه الا85بالميه سعد الدين

والله حلو حلو حلو والصور تحكم

والاهم ما يدخل الفرن ابد

يالله المقادير
اصبرو اميرات الظلام ما نبيهن

من هن اميرات الظلام هن اللي يدخلن حتى رفع للموضوع ما يسوونه

يالله

المقادير

هاه قلنا اميرات ظلام مافيه

ترى ربي بيحاسبكن انا ما اعرفكن بس ربي يعرفس انتي واياها



المقادير للطبقه الاولى
=======


1- نصف مقدار كيكة بتي كروكر اعجنيها عادي واخلطي مه الخلطه 8 حبات او10 حبات بسكويت دايجستف مطحون

سويها عادي بالفرن في نفس صينية الشيز كيك


2- واذا استوت طلعيها وخليخا تبرد شوي وجهزي الطبقه الثانيه


مقادير الطبقه الثانيه
========

1-4 ظروف دريم ويب

2-ثلاث ارباع الكاس حليب بارد (مقدار الكاس دايم ترى كاس جبن البوك)

3-اباكيت جلي اناناس وهذا الافضل لو ما لقيتي حطي جلي ليمون

4- نصف كاس ماء مغلي

5- 15 حبه جبن كيري

الطريقه
====

1- اخلطي الجلي مع المويه المغليه واتركيه على جنب لين تفتر المويه وتدفى شوي

2-في خفاقه الكهرب حقت الكيك اضيفي(الحليب البارد + الدريم ويب) اذا نفش وصار مثل الكريمه

اضيفي له الجلي واستمري بالخفق

3- اضيفي الكيري بالتدريج وحده وحده

4- صبي الخليط على الكيكه وواسيها ودخليها الفريزر عدة ساعات بس لحد ما تجمد



5- اذا جمدت لا تفكيها من القاعده على طول خليها خمس دقايق

وفكيها

6- اضيفي لها الباي فلينق بالنكهه اللي تحبين

وقدميها وبالعافيه على قلوبكم من اللحين

وهذي الصور باخليها تحكي






يالله اذكروا الله

ما شاء الله تبارك الرحمن

وادعوا لي ربي يسخر لي زوجي ولا يرى في النساء غيري ويرزقنا الذريه الصالحه عاجل غير اجل