صباح الخير للجميع
طبقي اليوم مبتكر ولذيذ جدااا
خاصة الصوص تبعه روووعة وشهي
ما أطول عليكم
نبدأ بسم الله
المقادير:
مكرونة اسباغاتي من النوع السميك
باكيت نقانق مقطعة الى قطع سميكة ومتساوية
علبة فطر كامل
ماء للسلق وملح وشوي زيت
مقادير الصوص:
تقريبا كوب ونصف أوراق سبانخ طازجة
نصف حبة فلفل بارد أحمر
ربع حبة فلفل بارد برتقالي
ربع حبة فلفل بارد أصفر
ملعقة شطة مطحونة
علبة كريمة خفق صغيرة
نصف كوب صلصة معكرونة جاهزة
نصف كوب جبن تشيدر مبشور
نصف كوب جبن بارميزان
نصف كوب حليب سائل
حبتين ماجي
ملعقة متوسطة بهارات ايطالية
للزينة
أوريغانو + فلفل حار مجروش + جبن باميزان
الطريقة:
جيبي تقريبا 4 أو 5 أعواد من الاسباغاتي وودخليها فيها بالتناوب مرة قطعة نقانق ومرة حبة فطر وهكذا(( فكرتها زي الشيش طاووق )) لين تنتهي الكمية كلها
جيبي صينية مربعة كبيرة وحطي الاسباغاتي فيها وصبي الموية الحارة وشوي ملح وزيت واتركيها لين تستوي قليلا
بعد ما تستوي حطيها في الصينية اللي راح تدخليها الفرن
اخلطي مقادير الصوص في خلاط الكأس بعدين صبيه على الباستا
وغطيه بالقصدير ودخليه الفرن تقريبا نصف الى ثلث ساعة
راعي انه الصوص حقها يكون كثير شوي وبامكانك تزيدين قشطة الخفق اذا حسيتي انه نشف
طلعيها من الفرن ورشي عليها الجبن البارميزان والأريغانو والفلفل الحار المجروش
وهذي صورتها
وأخرى من قريب
وبالعافية عليكم جميعا
لا تنسوني من دعواتكم الطيبة :35:
