شيش طاووق مختلف

كتير كتب طرق للشيش طاووق لكن انا عندى وصفة سهلة ومختلفة وطعمه مثل اللى فى المطاعم
المقادير
نصف كيلو صدور فراخ منذوعة العظم والجلد والدهن
علبة ونصف من الزبادى حجم صغير
ملعقة كبيره ممسوحة من الثوم المفروم ناعم
نصف كاس شاى زيت ذرة
طماطم فلفل رومى بصل مقطعين مربعات
عيدان خشب للشيش
الطريقه
نقطع الفراخ الى مكعبات صغيرة نوعا ما (حتى تكون سريعة فى الطهى وتتشرب التتبيلة)
نخلط الصدور مع الزبادى والزيت والثوم يقلب الخليط جيدا ونضعة فى الثلاجة طوال الليل
فى الصباح نحضر الشيش ونضع مكعب من الفراخ ثم شريحة من الفلفل وبصل وطماطم وفراخ الى ان تنتهى الكميه ونضعهم فى صنيه بايركس ونغطى بالقصدير ونضعهم فى الفرن درجة الحرارة حوالى 220 ولمدة من 20 الى 30 دقيقة الى ان يستوى وبعد ذلك ننزع القصدير ونحمر الشيش تتحت الشوايه
وياسلام لو حطينا فحم على النار مباشره الى ان يحمر الفحم ويصبح مثل الجمره ثم نحضر فنجان فيه زيت ونضع الفنجان فى صينيه الشيش ثم نضع الفحم فى الفنجان ونغطى الصينيه جيدا
(طبعا مساله الفحم اختيارى)
جربوا الوصف واوعدكم انها هتكون الذ وصفه للشيش جربتوها