بسم الله الرحمن الرحيم
السلام عليكم ورحمة الله وبركاته
هذه القصيدة الرائعة / ..
من روائع الشاعر / .. محمد جار الله السهلي / ..
وأداء المتألق / .. عمر السبيعي
أسبوع مرّ !! ولاوصل منك مرسـال
ياقوّ قلبك كيف تقطعنـي أسبـوع ؟!
..
الجوع كافر ! وانت ماترحـم الحـال
وانا عليك من الولـه ميـت ٍ جـوع
..
ياللي غيابك صعب يطري على البـال
تركتنـي ضايـق وحايـر ومفجـوع
..
ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !!
..
يفوع لك قلبـي ليـا مـر الاطـلال
ياليت مالـي قلـب يشتـاق ويفـوع
..
حسبي عليك شلـون قطعـت الامـال
بآآموت لاصار الامل فيـك مقطـوع
..
ياصاحبـي ماكـل نـزّال رحّــال
انت الحيّا من وين مارحت متبـوع !!
..
نسيانـي لـزول ٍ بالاعمـاق يختـال
اصعب على صاحبك من حبة الكـوع
..
لو الثمن في شوفتـك عمـر رجـال
كان الثمن من يوم ماغبت مدفـوع !!
..
ولو القدر مـا تـم قولـه ليـا قـال
ماضاق صدر ولا انحنى راس مرفوع
..
ياصاحبي عشقتنـي فعـل وخصـال
وانا عشقتك شعر واحساس وطبـوع
..
وشلون تتركني كذا لا اشهـب الـلال
وقدّام عيني تجف ينبوع .. ينبـوع !!
..
وانا عشانـك جيـت والغيـم همّـال
اسيّـل الوديـان واداحـم جـمـوع
..
ماردّنـي عنـك سواليـف عــذال
تزعل عليّ ربوع وتقـدّر ربـوع !!
..
كان المهم اعيشـك جنـون ووصـال
ويكون لي كلمه ولـي راي مسمـوع
..
واليوم ضاقت بي من الجـال للجـال
فرقاك تقصم ظهـر وتحـز وتلـوع
..
لو جيت شفت الحال ماسرّك الحـال
في غيبتك ضايق وحايـر ومفجـوع
..
هذا غياب اسبوع وشلون لـو طـال
طالبك .. لايطوّل غيابك عن اسبوع !!
:::
http://www.4shared.com/audio/YjCByTyr/__x___.html
:::
مما رآقت لي
:26:
شــادن @shadn_19
كبيرة محررات
يلزم عليك تسجيل الدخول أولًا لكتابة تعليق.
الدلوعه المصونه
•
جنااااااااااااااااااااااااااااااااااااااااااااااااااااااااااااااااااااااااااااااااااااان
الصفحة الأخيرة