ازالة الشعرباليزر كلام فاضي مالا أساس من الصحة
وحدة أعرفها سوت ليزر قبل عرسها
بشهر وبعد العرس بشهر ونص طلع الشعر
يعني شهرين ونص فز شعرها :angry2:ولا دافعة عليهم 9000درهم
أنا انصح الي عند صلع يروح يسوي هالكلام الفاضي :3_2_21v:
بيفيز شعر راس على طول مبيكذب خبر :bkh:
الصفحة الأخيرة
انا اسمي الدكتورة هدى وانا من المتابعات الدائمات لعالم حواء وكلت اكوللكم تجربتي في عالم ازالة الشعر لان حبيت افيدكم وان شاء الله كل وحدة عملت تجربة تفيدنا بيها والفائدة تعم
اولا:بالنسبة لليزر,انا سويت انا واختي وصديقتي ليزر في بغداد وفي عمان لازالة شعر الوجه,طبعا مااكوللكم عالاسعار لانها نار (تقريبا الجلسة الواحدة 150_250 دولار)ولاتكولولي هرمونات وخرابيط ,لان هذي مشكلة الشعر الزايد بالوجه صايرة كانها وباء,اول شي الليزر مؤذي يعني اني قبل ماتضرب المنطقة اكون جارة نفس طويل لانه مؤذي والبشرة تحمر,كلنا عادي نتحمل علمود نخلص من هالموضوع المقرف,اول شي تلاحظين فرق بانه الشعرخف وقل مع مرور الزمن وتحتاجين ضربات اقل
المهم بعد سنة ونص تقريبا جلسات احنا الثلاثة وفي معاهد متفرقة خف الشعر وماعاد محتاج بعد ليزر ومااكوللكم اشكد فرحنا,بس يافرحة ماتمت لان بعد فترة رجع الشعر نفس الشي ونفس الكثافة ونفس الخرابيط لانه ازالة الشعر بالليزر ليست دائمية وحتى اذا تقرون بمواقع النت الاجنبية لان سويت سيرج هواية يكولون semi-permanent hair removal اي ازالة شعر شبه دائمية.
والله العظيم والله يشهد علي انه الشعر بذقني رجع نفس الشي بالظبط احنا ثلاثتنا والي ماتصدكني خلي تبحث بالنت وتشوف انه الليزر ازالة مؤقتة وليست دائمية
فمن هذا المنطلق فكرت انه اشتري جهاز الليزر المنزلي احسن,عالاقل الفترات بين ازالة الشعر تطول والبشرة تظل شوية صافية وحاليا صارلي اسبوع اسوي بحث مكثف بالنت بالمواقع البريطانية والامريكية عن احسن جهاز لازالة الشعر منزليا وان شاء الله من اوصل لنتيجة نهائية ابلغ الكل هنا علمود الفائدة تعم ولكن انا لحد الان مقتنعة بجهاز ريو 60 الي يزيل 60شعرة بالضربة الواحدة ولو انا اكول انه الوحدة تنتظر الى ان الشركة نفسها تطلع جهاز احدث يكون احسن لان احنا صبرنا صبرنا
بالنسبة لبقية الاجهزة,اكو اجهزة تشيل شعرة شعرة واعتقد انه هذا شئ بعيد كل البعد عن الواقعية واكو اجهزة على بطارية ماعجبتني لان معناها تبديل مستمر للبطاريات واكو اجهزة لازم تبدلين الراس الضوئي مالتها وهاي معناها استنزاف مستمر لجيوبنا فان شاء الله اوصل لنتيجة
ثانيا:بالنسبة لموضوع زيت النمل ححجيلكم عن شي كانو جداتنا تسويه بالعراق واني مسويلياه الي لما جنت طفلة رضيعة,كانت كلما تجي بنت للعائلة تكوم بيبي (الجدة)بمسح جلد الطفلة ببيوض النمل الي يجيبوها من الحديقة علمود ماتطلع الطفلة مشعرة وانا شخصيا مسويلي هاي الشغلة ولبنات خالي وقسم من صديقاتي الاكبر مني وانا ماعندي شعر لابالافخاذ ولافوك الكوع ,والشعر الي عندي فقط قليل بالرجل وشوية باليد وشعر خفيف في وجههي ماعدا شعر الذقن لان جنت العب بيه هواية بالملقط واصبغه بالبلوندر(الي اتضح انه يهيج نمو الشعر)والله العظيم حتى صديقاتي الي مسوييلهم ببيض النمل من همة صغيرات عدهم شعر حتى اقل مني ,واختي جانت ولادتها بالخارج فماسوتلها بيبيتي ببيض النمل فتعالوشوفوا اختي عندها شعر اكثر مني بكل جسمها فاحتمال انه هذا زيت النمل يفيد بوضعنا وانا ان شاء الله اشتري منه واذا اشتريت احطلكم النتائج
ثالثا:بالنسبة لكريمات تخفيف الشعر فان اغلبها فاشل وغالي ,استعملت تبع جونسون وكان قمة الفشل وريحته لاتطاق وواحد ثاني نسيت اسمه وجان غالي ولازم يوميا نحط منه وهم ريحته ماطيبة من اتذكر اسمه احطه وهم ماجاب نتيجة
فهاي ياخواتي العزيزات تجاربي لحد الان بمعاناة ازارة الشعر
ارجوان اكون افدتكم ياربي:)
تحديث: تذكرت اسم الكريم المفروض يقلل نمو الشعر وجربته انا واختي (يعني احنا دائما خسائرنا مزدوجة) اسمه bio-xet والله العظيم مانفع ولاشوية والنهاية رميت العلبة بالزبالة